Сиёсий сатира

Ҳа, пул ўлсин-а, пул!

Олимларнинг тадқиқотларига қараганда инсон ўз умри давомида миясининг 6 фойизинигина ишлатаркан холос. Қолган 94 фоизи экилмаган қўриқ, ҳувиллаган дала! Ҳой, даланг бўш ётибди-ку, бирор нарса экмайсанми, демайди ҳеч ким. Чунки ўша гапни айтадиган одамнинг ҳам даласи ҳувиллаб ётипти.

Ҳа, келинг, олимлар миясининг ўн фоизини ишга солсин, дейлик. Шунда менга ўхшаганлар миясининг тўрт фоизи ишлаётган бўлади. Калланг ишламайди, дейишади, каллани ишга солиш керак, дейишади. Тўғри гап. Шахсан менда калланинг уч фоизи ишлайди. Хотинники бир фоиз. У ҳам бўлса, “пул” деган сўз билан тўлган. Хотин калланинг уч фоизини ҳам “пул, пул, пул” деган учта сўз билан тўлдириб ташлаган. Бир менда эмас, ҳамманинг калласида шу сўз. Шундан ҳамманинг хаёли жойида эмас. Пул топишнинг йўлини излайди. Россияга, Кореяга, Америкага бориб, пул ишламоқчи бўлади. Continue reading

Сиёсий ҳангомалар

mushtum2Оқпошшо – “оппоқ” пошшо…

Кечагинда Хайри билан охириги сухбатимиз эсимга келиб қолди. “Қайси Хайри, дейсизларми?” Бор-ку, ҳалиги энг “катта”ни, ўша Баракатопгурни маслаҳатчиси. Эслашимча, у телефонда роса куйинганди:
-Менга қараларинг, эй баракатопгурлар! Шунча ишлар бўлаябди. Нега уларни ёзмайсанлар? Оқсаройда бўлаётган ҳаётни, воқеаларни ёзмайсанлар? Хамма шароитни яратиб берган бўлсак! Сўз эркинлигини Конституцияга киритган бўлсак! Конституцияга деябман, тушунарликми!!! Яна сўраябман – тушунарликми сенга, деб? Гапиравериб чарчадимку сенларга! Бирингни уришдим, бошқангни ишдан бўшатдим, бир – иккитангни қаматдим ҳам, барибир фойдаси бўлмаябди – ку, нима қилишим керак ўзи сенларни? – хўрсиниб Баракатопгурни оҳангида гапирганди маслаҳатчи. Ҳатто телефон гўшагида йиғи овози ҳам эшитилгандек туюлганди. Continue reading

Темир хотин танлови (Ҳажв)

misterДИҚҚАТ ЭЪЛОН!

Мистер Қалампир ўзига хос ва ўзига мос йўлига эга бўлган Ўзбекистонда ўз уйига хос ва уйнинг шартларига мос бўлган вафодор ёр изламоқда.
Бўлажак келин қуйидаги талабларга жавоб бера олиши шарт.
1) Спорт билан мунтазам шуғулланган бўлиши.
Биринчи навбатда мунтазам равишда келин саломлар қилишда бели оғриб қолмаслиги ва ҳар куни эрта тонг саҳарда ҳеч ким уйғонмасдан супа ва кўчани сипириши ва кейинчалик ҳовлининг орқасидаги 2 гектар ерни лопатка билан чопишда чарчаб қолмаслиги.
2) Олий маълумотли бўлиши ва дипломатиядан хабардор бўлиши.
Сабаби шуки куёвнинг қариб қолган тул онасининг инжиқларига чидай олиш ва у билан муносабат ўрната олиш.
3) Камида 2 та чет тилини ўз она тилек мукаммал билиши.
Чунки одам тилини билмаган келин қандай қилиб сигирни соғаётганда у билан тиллаша олади?!
4) Химия ва физика фанларини пухта ўзлаштирган бўлиши. Continue reading

Туғилган кун табриги

mushtum2ОҚПОШШОДАН ОҚСАРОЙГА

Ҳурматли устоз ва мураббий, бирга разведка қилишда ишончли хамроҳ!
Кўп миллионли чекистлар ва асл коммунистлар номидан сизни – Ҳиндистон осмонидаги самолётда ўзбек ҳалқига мустақилликни ином этган буюк инсонни – туғилган кунингиз билан чин юракдан табриклашга рухсат этасиз!

Юракни чинлиги шубҳа остига солинаётган ва баьзи ишларда сиздан рухсат сўрашни хожати бўлмаётган бу кунларда бундай мўьтабар ёшга тўлганингизни ўзи алоҳида хурматга сазовордур! Айниқса чорак асрдан бери ўзингиз бошлаган “буюк келажак” иншоотини яна 15 -20 йиллардан сўнг ўзингиз битказишингиз ҳақида қилган ниятингиз ҳар қандай мақтовга лойиқдур! Мен аминман – “буюк келажак” ҳали сизни олдингизда, бизни эса орқамизда кутиб турибди! Доно ўзбек ҳалқи айтганидек, ошини ошаб, ёшини яшаб бўлганингизга қарамай ҳеч тинчий демайсиз. Биз ўзбекларни донолигини яхши биламиз. Continue reading

Ярми чин, ярми химчин

mushtum2Буюк келажак сари

Бир одил подшо раиятнинг аҳволидан хабардор бўлиш учун кўпинча фуқаролик кийимида эл ичида айланиб юраркан. Бир куни у қишлоқ оралаб кетаётиб, хиргойи эшитилаётган хонадоннинг дарвозасини тақиллатипти. Хонадон соҳиби дарвозани очиб танимаса-да, меҳмонни тавозеъ билан ичкарига таклиф қипти. Подшо қараса, дастурхонда ош тайёр, шам ёқилган, косада анор шарбати, хумчада шароб. Иккаласи таомдан-еб ичишипти. Бу одам ўтинчи экан. “Бошқа қиладиган ҳунарингиз борми?” сўрапти подшо.

-Ҳунарим шу,-депти ўтинчи.-Ҳар куни бозорга бир боғ ўтин олиб бораман, пулига ошга масаллиқ оламан.

-Подшо эртага ўтин сотишни таъқиқласа нима қиласиз?

-Подшонинг мен билан нима иши бор,-ҳайрон бўлипти ўтинчи.-Ҳай, агар шундай бўлса, бир гап бўлар…

Эртасига подшо ўтин сотишни таъқиқлаш тўғрисида фармон чиқарипти. Кечқурун яна ўша хонадонга келса, ош дамланган, липиллаган шам, косада анор шарбати, кўзачада май… Continue reading

Ҳажв

mushtum1Бир куни…

Қорин қўйган ўзбек айвонда дам олаябди. Ёнига келган кичик ўғли отасини қорнини аста силаб сўраябди:
-Адажон, бу катта қорнингиз кўп ош еганингиздан шундайми?
-Ўғлим, бу катта қорин кўп ош ейиш учун шундай!
xxx
Ёз саратонида Афанди эшак миниб бозорга кетаябди. Пешонасидан тер дарё бўлиб оқаябди. Қаршисида велосипедчи.
-Менга қара, ошна! Нега мен терга ботганман, сен эса терламагансан?-сўраябди Афанди.
-Ахир мени велосипедда тезлигим соатига 25 км. Сен ҳам эшагингда тез юрсанг, муздаккина бўлиб кетасан…
Афанди эшагини қаттиқ ниқтаб, қамчи билан уриб роса югуртирибди. Қаттиқ югуришдан силласи қуриган эшак ярим соатга бормай қулаб, жон берибди. Хайрон бўлган Афанди эшагини бошини силаб айтар эмиш:
-Қизиқ, мен муздек бўлишим керак эди, негадур эшагим муздек бўлиб қолибди. Continue reading

ЎзТвит

uztvitПулнора

“Пулноранинг чет эллардаги мулкини тортиб олишибди!”
“Қувонманг, у сизнинг қолган мулкингизни тортиб олади.”

ХХХ

“Эшитдингларми, Пулноранинг чет эллардаги мулкларини босишибди.”
“Ўзини-чи?”

ХХХ

“Кўраяпсизларми отам қандай ўйнаб беряпти?”
“Ундан кейин навбат сизгами?” Continue reading

Нурилла Остон

nurulloКИМНИНГ КИМЛИГИНИ БИЛИШ

(Ҳажвия)

ХХ аср бошларида қирол Фердинанд II ни ҳимоя қилиш мақсадида Австрия-Пруссия урушига кўнгилли бўлиб борган шоввоз аскар Швейкдан бўлак расмий лақма бўлмаган. Ўшанда ўн саккиз кишидан иборат судмедэкспертиза комиссияси унга расмий лақма мақомини берган. Шундан буён дунё статистикасида бирорта расмий лақма қайд қилинмаган. “Урушга кўнгилли бўлиб борди, ўз ихтиёри билан кетди” деган гапларнинг бари ёлғон. Шоввоз аскар Швейкдан бўлак ҳеч ким урушга кўнгилли бўлиб бормаган, уларни мажбурлаб вагонга тиқиб юборишган (Давомини ўқинг)

Ўзгармаган мавзулар

mushtum1“ЛИДЕР”НИНГ БАШАРАСИ

2009 йилнинг 3 сентябрида Абдураҳим Пўлатуф “Баракатсиз Ҳаракат” деган мазохист сайтида шундай деб ёзади׃
“Ҳақиқатда, 1992 йил июнь ойи охирида менга қарши суиқасд уюштирилгандан кейин, адвокат сафдошимиз Миролим Одилнинг таклифи билан, менга бирон нарса бўлса, оилам кўчада қолмасин деб, хотинимнинг номига бир квартира олганмиз”.
-Қанчага олган эдингиз? (DAVOMI)

Ўзгармаган мавзулар

mushtum2ЎЛМАЙ ТУР, ЎЛАТ!

Ачавотдан чиққан бир ит бор. Олдинлари ҳаммага қараб ак-ак акилларди. Унга парво қилишмади. Кейин-кейин одамларнинг йўлини тўсиб, сўлагини сепара қилиб ирриллай бошлади. Селкиллаб қолган орқасига бир-икки тепки егандан кейин қатар-қутур қутурди. Бугун энди ҳаммани типир-типир тишламоқда. Оғзидан сўлак эмас, қон оқмоқда… (DAVOMI)

Ҳажвия

ia5.JPGБошимга  ураманми  қозоқ   унини?

Илгари   айтганимиздек,  республикамиздаги   ҳаёт   кундан-кунга  яхшиланиб,  “Ахборот”да   кўрсатаёганидан    минг  баробар  гўзаллашган.   Ҳамма  ёқ  тўкинчилик,  Америка  “отдыхает.”  Катта   рахбардан  тортиб   энг   куйисигача   ҳалқ   ғамида.

Мана  бугун  хам   ҳар  доимгидек   “катта”миз  соат  5  бўлмай  уйғонди.  Эрта  тонг.   Атроф  жим-жит.  Вақтли  уйғонган  юртбоши   ҳар  доимгидек   хизматчиларни   безовта   қилмай  боғ  айлангани   юрди.   Давлат  ҳақида,  юрт  ҳақида,  ҳалқ  ҳақидаги  ўйлар  унга  на  ором  бермоқда,  на  уйқу.  “Шавкатни  боламдай  яхши  кўраман,  ишчан,  лекин  нега  мендак   қўпол,  ҳаммани   уради,  сўкади?  Одамларимиз   яхшироқ  яшаши  учун  яна  нима   қилсак  экан?  Катта   тўйларда   ош  еганларни  “Бирлик”  айтганидек  хунаса  ва  харомига  чиқарсакмикан?  Наҳотки  улар  молга  ўхшаса?   Қизларимизни  қандай  қилиб  дискотека  ва  тунгги  клублардан   қайтариб,  уларни   пахта  ва  буғдойга  ҳавасини  оширсак  экан?”- шу  ва  шунга  ўхшаш  хаёллар  унга   кўпдан  бери   тинчлик   бермасди. Continue reading

“Туронзамин” почтасидан

adabiyot.jpgҲажв тиғи: латифалар

-Хотинини ташлаб кетган эркакни ким деса бўлади?
-Ким деса бўларди, ғирт хўкизда!
-Агар хотини у эркакни ташлаб кетган бўлсачи?
-Хўкизда, шунинг учун ташлаб кетган!
. . .
Россиядан қайтган мардикор хамқишлоқларига айтиб бераябди:
-Лекин русларни одобига қойил қолдим. Бир куни бир автобусга паранжи кийган аёл қўлидаги халтаси билан кирганди, автобусдагиларни барчаси унга нафақат жойини бўшатиб беришди, ҳатто автобусни хам бўшатиб, чиқиб кетишди. Continue reading

“Туронзамин” почтасидан

aldarkusaБир куни Баракатопгур…

ГАИ ходими Янги йил куни эрталаб бир машинани тўхтатиб, ҳужжатларини текширар экан ҳайдовчидан сўраябди:
-Байрамлар қандай ўтаябди?
-Зўр!
-Роса ичган бўлсангиз керак?
-Йўқ, оила билан кутдик, болаларни олдида ичиб бўлмайдику..
-Ўртоқлар билан саунага боргандурсизлар?
-Албатта бордик, лекин саунада ичиб бўлмайди, соғлиққа катта зарарку…
-Чойхонада улфатчилик қилгандурсиз?
-Ха, бир-икки хожиакалар билан ош едик, лекин улар олдида ичиб бўлмайдику…
– Қани пуфлаб кўрингчи?
-Мархамат, пуфлаябман, кўрдингизми, ичмадим деябманку. Continue reading

Кулги ҳам керак

aldarkusa2.jpgЯнги йилга бағишланган янги латифалар

Поездда ўзбек яҳудий билан бир купеда кетишаябди. Вақти келиб нонушта қиладиган бўлишибди. Ўзбек столга патир нон билан бир бўлак қази қўйибди. Яҳудий патир нон билан бир бўлак пишган товуқ қўйибди.
-От йилида от гўши ер эканмизда,- ҳазиллашибди яҳудий.
-Сизнинг ҳам гўшингиз ёмон эмас,-жавоб берибди ўзбек.
-Кесатманг, от олиб сўйишга кучимиз етмаса, биз бечора жухутлар нима қилайлик?- дермиш яҳудий.

ХХХ

Олий Мажлис сессиясида депутат сўз сўраб қўлини кўтараябди:
-Мен маош ва нафақаларни ошириш масаласида сўзга чиқмоқчиман,
-Мархамат, чиқинг…. ташқарига. Continue reading

“Туронзамин” почтасидан

aldarkusaЎЗБЕКИСТОН ПРЕЗИДЕНТИНИНГ ЯНГИ ЙИЛ ТАБРИГИ

(Ҳажвия)

Хурматли ватандошлар, азиз опа-сингиллар, ака-укалар! Қизларим, қайнисингилларим ва жиянларим! Чет эллардаги қизим ва невараларим, бошқа ўлкаларда саргардон юрган дангаса юртдошларим, баракатопгурлар! Янги 2014-йил кириб келишига саноқли дақиқалар қолганда хаммангизни табриклаб, яна бир бор, қайтариб айтаман яна бир бор сизларни бағримга босиш мен учун катта бахт ва юксак шарафдур!

Мендан сўрасалар эди, қандай қилиб бутун юртни битта бағрингизга босиб сиғдира оласиз, деб сўраганларида эди, мен шундай айтардим – бағрим кенг, бағрим кўп, ҳаммангизга етади деб. Нафақат гўзал Тошкент вилоятини Товоқсойи-ю, Олмалиғида ёки азим Қашқадарёни Қарши чўлларида, балки Бухоро ва Навоий воҳаларини Қоровулбозорларида, қолаверса Қорақалпоқни Жаслиғида хам бир-биридан кенг, шинам ва туну-кун сизларни кутаётган бағирларим бор. Continue reading

“САЛТАНАТ ЭРТАКЛАРИ”

qamoqКутиш даври (Ҳажвиёт)

Радиодаги тунгги эшиттиришининг навбатдаги сони 

Ассалому-алайкум, азиз ва ширин болажонлар! “Салтанат эртаклари” эшиттиришини янги сонини бошлаймиз. Демак бир бор экан, бир йўқ экан, қадим-яқин замонда, Тошкент деган томонда икки дарё оралиғида катта салтанат бор экан.

Салтанатнинг конституцияда 5 йиллик, хақиқатда эса 25 йиллик подшоси бор экан. Одатда чорак аср подшоҳлик қилиш учун одам билимли ва кўп китоб ўқиган бўлиши керак. Тирикчилик сабабли ёшлигини Сиёб бозорининг қовун-тарвуз расталарида ўтказган Олампаноҳ кўпам китоб ўқишни ёқтирмас экан. Аммо Госпланда ишлаган вақтларидан бери мажбуран китоб ўқишни бошлабди.

Айниқса бир шайтон ҳақида китоб унга роса ёқар экан. Китобда ёзилишича, ўша шайтон ён-атрофдагиларни ва умуман барча инсонларни икки гурухга ажратар экан. Биринчисига асосан яхши инсонлар, аммо шайтоннинг душманлари, ҳалқ орасида обрў-эьтиборга эга бўлганлар, шунингдек шайтондан кўра ақиллироқ ва қобилиятлироқ бўлганлар кирар экан. Continue reading

“Туронзамин” почтасидан

aldarkusaПахтамизнинг чаноғи ҳам тиллодир

ЎзРадионинг болалар учун “Салтанат эртаклари” туркумидан

Ассалому – алайкум, азиз ва ширин болажонлар! Икки дарё оралиғидаги салтанат ҳақидаги эртакларимизни яна давом эттиришга қарор қилдик. Бизни соғинган бўлсанглар керак, шунинг учун радио атрофида яхшилаб ўрнашиб олиб, қунт билан тингланглар.
Аввалом бор, азиз болажонлар, эртакдан олдин сизларга шу кунни долзарб янгиликларини етказмоқчимиз. Уларни баьзилари яхши янгилик, баьзилари эса ёмон хабар. Қайси биридан бошлай? “Яхшиларидан”,- дейсизларми? Continue reading

Абулфайз БАРОТОВ

barotov«МАНИФЕСТНИ МЕН ЁЗМАГАНМАН»

Илгарилари «Думалоқ хат» ёзиш «урф» эди. Ана шундайлардан бири бутун туманнинг тинчини бузарди. Анонимчининг кимлигини раҳбарлар тахминан билишарди. Аммо қўлга тушмаган ўғри-ўғри эмас-да. Ниҳоят, раҳбарлар маслаҳатлашиб шундай фикрга келишди: «ариза бериб қўйганига анча бўлган, партияга қабул қилайлик уни. Балки шундан сўнг коммунистик виждони қийналиб, «думалоқ хат” ёзишни бас қилар …»
Унга буни айтмай бюро йиғилишига таклиф қилишди. Райкомнинг биринчи котиби уни қўллаш мақсадида осон савол берди:
– Айтингчи, «Коммунистик партия манифести»ни ким ёзган ?
Нима мақсадда ўзини бу ерга таклиф қилишганига ақли етмай ўтирган анонимчи бу нотаниш сўзни эшитиб, жон-пони чиқиб кетди. Continue reading

Мулоҳаза

Буз-буз

Биз аслида киммиз, биладиганлар борми? Нимадандир жуда ҳам қаттиқ хуноб бўлган зиёли бир танишим шундай савол билан мурожаат қилиб қолди. Олим бўла туриб сиз билмасангиз, биз овмилар қаёқдан билайлик, деб ҳазиллашган бўлдим. Қарасам, кулмади, ҳазилни илғамадиям ҳатто. Тушундимки вазият анча жиддий…

Узоқ жим тургач, зиёли танишим яна куюниб гапира кетди, “Биз ҳатто тожиклардай эмасмиз, грузинлардай ҳам, грек ёки боринг ана ҳатто қирғизлардай ҳам эмасмиз, қозоқлар ҳақдаку гапириш абсалютна ўринсиз, киммиз ўзи а?”. Ёнимдан сигарет чиқариб мавлонога узатдим, бир тутатинг, озроқ ҳовурингизни босинг, у ёғига бир гап бўлар дедим. Сигаретни тутатиб икки бора симирдию, шартта четга отиб, “яхшиси меҳмонжонларни кўраман”, деб уйига кириб кетди.

“Меҳмонжонлар” дегани  ўзбекча сериал. Айнан ўзбекча бўлгани учун ҳам мутлақо мантиқсиз. Аслида мантиқли сериал бўлганми, дейсизми? У гапингиз ҳам тўғри, шу учун ҳам сериалда а?! Хуллас прапессир уйига кетди. Ўзи кетдию саволи қолди. Икки ёшли ўғилча ким келиб саломлашмасин, “биз тиммиз”, деяверди, деяверди, кўришганлар ҳайрон елка қисиб нари кетаверди. Афтидан ҳеч ким точний жавобни билмайди-ёв. Continue reading

Нурилла Остон

Гап халтадаги ёнғоқни қандай шақиллатишда!

Ишқибозлик юқумли касалликка ўхшайди. Бир бошланса, кейин тўхтатиб бўлмайди.

Мана, футбол ишқибозларини олайлик. Ўйин пайтида уларни полиция кучи билан тўхтатиб турилмаса, тўфонга ўхшаб йўлида учраган нарсани вайрон қилиб кетади. Ҳар ким ҳар нарсага ишқибоз бўлади. Биров отга, биров итга, биров машҳур хонанданинг ашулаларига дегандай.

Андижоннинг бир ҳукмдори каптарга ишқибоз бўлган. Давлат ишларидан бўш пайтида каптарбозлик қилган. Умуман, ҳукумат раҳбарларининг ишқибозликлари оддий фуқарога қараганда бутунлай бошқача бўлади. Улар кўп қиррали сиёсат юргизишга ишқибоз бўлишади. Continue reading

Ҳажвия

aldarkusa2.jpgАфандининг эшаги қаерлик?

Олам пайдо бўлганидан буён товуқ олдин пайдо бўлганми, тухумми, деган азалий баҳслар ҳанузгача давом этади. Хўжа Насриддиннинг қаердан келиб чиққанлиги ҳам шундай баҳсталаб.

Бухороликлар: “Хўжа Насридден Лабиҳовуздан чиғган, ўрда уни эшшагига қўйилган ҳайкали бо, нема қиласез ман билан ўрлашиб-а, керак бўлса, ўн иккита мазориниям кўрсатаман”,-деса, самарқандликлар: “Йох, Хожа Насредден қўшработди қип-қизил ўзбаги бўгон, вай сони эшшаги билан бу ерга келеб қоганда кўрадике, ҳамма тамон боғ-чарбоғ, даштингди елкамди чуқури кўрсен, деб ҳавли сотиб огон Даштисўхтадан. Соне Қизил жиндидан ўйланган, катта бобомнинг бобокалоне Салоҳиддин Шамшер тўйига никоҳ қийиб қўйгон,-дейди.-Регистонда эшшаги китоб варақлаб тургон ҳайкале бор эду, китоб қимматроқ эканме, ҳозур битта меҳмонхонанинг ҳавлисида турибду, охи ман биламан-ку!”.

Озарбайжонлар бунга қарши: “Баҳ, Хожа Несриддин эсли бизим юртдан, Бакида дўғулан, гечмишини гўтар!”,-деса, турклар дарҳол: “Эфендим, бизим била чалишманг, Хожа Насриддинбей Эфенди гўкўғиз уруғининг турк миллатиннан, мазари-да бизим юртда!”-деб уриб енгади. Continue reading

Абулфайз Баротов

abarotovАРАҚХЎР САНТЕХНИК, ХОТИНИМ ВА МЕН

Самарқанд вилояти “Ленин йўли” (Ҳозирги “Зарафшон” газетаси) да ишлардим. Вилоят телерадиокампаниясидан Миршариф Хўжаев деган йигит ишга келди. Аввал партия турмуши бўлимига мудир, сўнгра масъул котиб, бош муҳаррир ўринбосари вазифалари ишлади. Кейин обкомга интрукторликка ишга ўтиб кетди. Тўғрисини айтиш керак, ўта ҳалол, пок инсон эди. Мен самарқандлик ҳамкасбларим орасида Миршариф Хўжаев ва Бобоқул Имомов сингари покдомон инсонларни умрим давомида бошқа учратмадим. Лекин Миршарифнинг битта “камчилиги” бор эди. У қалтис ҳазил қилишни яхши кўрарди. Унинг ана шундай ҳазилларидан биттасини бошимдан ўтказганман.
Самарқанд шаҳрида кўп қаватли “Дом”нинг биринчи қаватида яшайман. Бир куни ҳожатхонамиздаги унитаздан кутилмаганда, ахлат қайнаб чиқа бошлади. ЖЭКка қўнғироқ қилиб воқеани айтдим-да, зудлик билан сантехник юборишларини илтимос қилдим. Ярим соатлардан кейин ёши қирқлар атрофида, юзлари тиришиб кетган сантехник келди-да. аҳволни кўриб, “воҳ-воҳ, бунга қандай чидаб ўтирибсизлар,”- деди, афсус оҳангида. Чидамаганимизда қўлимиздан нима келарди. Сантехник ўзи озғин бўлсаям, бемалолхўжалар тоифасидан экан шекилли, сира шошай демайди.
-Қани бўла қолсангизчи,- дедим сабрим чидамай.- Қаранг, ҳаммаёқ ахлатга тўлиб кетаяпти. Continue reading

Нурилла Остон

“Киришдан олдин чиқишни ўйла”

Ҳар бир халқнинг ўзига хос бўлган умумий тарздаги хислатлари бўлади. Масалан, гуржилар қадаҳ сўзини қотириб қўяди, французлар коньякни боплайди, арманилар латифага уста бўлади, олмонлар вақтни қадрлайди, турклар пулни яхши кўради, туркманлар садоқатли бўлади. Ўрислар элликни отиб олса, “Ой мороз, мороз”ини бошлайди. Бошқа бир тоифа халқ бир-бирини ҳар куни алдаб турмаса-туролмайди.

Бухенвальд концлагерида ҳарбий асирларни етти тоифага бўлишган. Яшашдан умидини узиб, ҳамма нарсага бефарқ бўлиб қолган еттинчи тоифани “мусулманин” деб аташган. Бу тоифадаги асирлар тепки еса ҳам анграйиб қараб тураверар экан. Мусулмонларнинг хокисорлигига ҳатто фашист жаллодлари тан берган экан. Continue reading

Нурилла Остон

“Худога шукур қилиш керак!”

(Ҳажв)

Одам боласи қандай шароитда бўлмасин, ҳамма нарсага кўникади. Унинг яшовчанлиги ҳам ана шунда. Оҳ-воҳ қилади, ўзини тўрт томонга уради, кейин ҳамма қатори аравасини судраб юраверади.

Подшо бир кун гадо бўлиб уйғонади, гадо бир кун келиб подшолик тахтига ўтириши мумкин. Замонлар, маконлар айланаверади, насллар, фасллар алмашаверади, лекин бандаси тушмагур ўша-ўша ношукурлигича қолаверади. Чунки онакалони Момо Ҳаво жаннатда юрганига шукур қилмай таъқиқланган мевадан татиб қўйган-да!

Одамзод ёз бўлса қишни қўмсайди, қиш келса ёзни соғинади. Бошига бахт қуши қўниб иши юришиб кетса, кечаги кунини унутади қўяди. Иши юришмаса, замондан нолийди, кечаги кунини қўмсайди, эҳ, коммунизм ўтиб кетибди, билмай қолибмиз, дейди. Бундай яшаб бўлмайди, дейди.

Ҳозир йўловчилар учун асосий транспорт воситаси Дамас. Хусусий киракаш йўловчини хоҳласа уловига миндиради, хоҳламаса ёки башараси ёқмаса миндирмаслиги ҳам мумкин. 200 сўм бериб, 50 сўм қайтимини сўрашга қўрқиб ўтирасиз. Мабодо сўраб қолсангиз, киракашнинг кайфияти бўлмаса, қайтимни башарангизга улоқтириши мумкин, ёки 200 сўмни қўлингизга қайтаради-да мошинани тўхтатиб, қисқагина қилиб “тушинг”, дейди. Continue reading

Шавкат Муҳаммад

ShavkatСиёсий сатира׃ Талончи, тиланчи ва таваккалчи

Талончи׃ Ўзбекистонда гадойлар умуман қолмаган. Ҳаммаси Россияга кўча супуришга кетган. Дангасалар. Тинчгина жаннатмакон ватанимизда тиланчилик қилиб юравермайдими. Орият қолмабди тиланчиларда. Ҳеч ким очдан ўлаётгани йўқ-ку.

Тиланчи׃ Ҳар жойда ҳозиру-нозир Гугушахонимни биласиз. Тутун чиққан жойдан,бир пиёла чойдан уни топасиз. Яллачи, аллачи, дипломат, қўшмачи (1000 тўйни эсланг), дизайнер, журналист, профессор, агрессор, компрессор… Вақтида тўхтатиш керак бу қизни. ,,Азарт”га кириб кетиб ёзда ғалла ўримига, кузда пахта теримига кетвориши мумкин. Ҳар тешикка кириб, ҳар кўчадан юриб ўрганган бу хоним қизишиб кетиб умрбод қамоқда ўтиришни орзу қилиб қолса бор-ми… Continue reading

Сатира

ПУЛНОРА

Куни кеча Швейцариянинг «Schweiz -2» телеканалида “Инсон ва қонун” эшиттиришини навбатдаги сони эфирга узатилди. Эшиттиришни хар доимгидек таниқли собиқ прокурор Дель Понти хоним олиб борди.

Хурматли томошабинлар, -эшиттиришни бошлади бошловчи,- ўтган йил август ойида Швейцария банкларининг бирида икки ўзбек йигити хибсга олинганидан бери кеча мамлакатимизда яна бир жиноят содир этилди. Continue reading

Сатира

“Ҳар саволга бер жавоб!”

Душанбе куни соат 12-00да Форумлар саройида “Ўзбекистоннинг бўлажак Президенти ким?” мавзусида давра суҳбати бўлиб ўтади.

Унда бўлажак сайловларда қатнашувчи даьвогарлар Рустам Азимов, Гулнора Каримова, Акмал Сайидов, Юлдуз Усмоновалар ўзларини сайловолди дастурларини эьлон қиладилар. Continue reading

Сатира

ShavkatВикипедия Ўзбекистон

Давлат номи: Ўзбекистон, O’zbekiston, айрим манбаларда Успехистон, Ўзбекистон президенти Ислом Каримовнинг айтишича Осиёнинг нақ марказида жойлашган.

Аҳолиси: Ўзбекистон аҳолисининг 70 фоизини мардикорлар ташкил қилади. Қолгани шоирлар, ёзувчилар ва қўшиқчилар.

Ахолининг этник таркиби: паспорт бўйича барча аҳолини ўзбек деб ҳисоблаш мумкин.

Маданият: Бразилия, Корея ва Туркия сериаллари ўзбекистонликлар кундалик ҳаётининг ажралмас қисмига айланган. Шоирлар, ёзувчи ва қўшиқчилар Ўзбекистонда даромадли касб эгалари ҳисобланади. Continue reading

Жиддий хандалар

Кузатишда давом этинг

-Тақсир, мана бу хабарда ,,Каримов инфаркт бўлди, табибга етиб бормай омонатини топшириб юборади” дейилган, мана бунисида эса ,,отдек” ўйнаб-кулиб юрибди дейилган. Буларнинг қайси бирига ишонмоқ даркор?

– Истаган хабарингизга ишонинг бўтам. Бизга энди фарқи йўқ. Бу хабарни тарқатишга тарқатиб қўйиб, ўзимиз инфаркт бўлаёздик. Инфаркт дегани парранда гриппи эмаски, касал ўлиб қолаверса.

Хабарларимизни кузатишда давом этинг. Яқинда янги -янги ўрдак шўрваларимизни татиб кўришингиз мумкин. Continue reading

Сатира

Фуқаролик судида

Мирзо-Улуғбек туманлараро фуқаролик судида даъвогар Рустам Азимовнинг фуқаро Гулнора Каримовага нисбатан ўзининг ҳуқуқ ва шарафи паймон этилганлиги ҳамда моддий ва маьнавий зарарни қоплаш ҳақидаги даьвоси бўйича маҳкама йиғилиши бўлиб ўтган. Бу ҳақида “Тошкент оқшоми” рўзномаси махсус мухбири Барно Хабарова хабар қилади: Continue reading

Сатира

ЎЗБЕКИСТОН бўлажак ПРЕЗИДЕНТИНИ   РЕЙТЕР  АГЕНТЛИГИ  МУХБИРИ   БИЛАН    СУХБАТИ        

Мухбир:  -Аввалом  бор  сизни  Навруз  байрами  билан  табриклайман….

Гулнора:  -Наврўзни  эслатиб  яхши  қилдингиз.  Ишлар  билан  бўлиб  байрам  хам  ёддан  кўтарилиб  кетибди. Фурсатдан  фойдаланиб  ўзим, илгариги, хозирги  ва  бўлажак  оилаларим  номидан  хаммани  байрам  билан  табрикламоқчиман!

Мухбир:  -Охириги  пайтларда  матбуотда  сиз  ҳақингизда  ёзилган  нарсаларга  изоҳ  берсангиз.

Гулнора:  -Мени  душманларим  кўп.  Атрофимдагиларни  кўпчилиги. Қолганлари  эса  фаросатсиз.  Масалан  менга  қарашли  20дан  ортиқ  сайтни  биронтаси  ўқувчиларимни  Наврўз  билан  табрикламаганини  нима  деса  бўлади? Душманликми  ёки  фаросатсизликми?  Икки  кун  илгари  эрта сахарда  уйга  чарчаб  келиб, ванна  қабул  қилаябсам,  соат 11-00га  Наврўз  концертига  таклиф  қилингансиз  дейишди.  Бу  қандай  фаросатсизлик?   Ахир  байрам  қиладиган  бўлсанг,  эрталабки  эмас,  тунгги  соат  11-00 га тайинламайсанми? Хамма  эрта  сахаргача  маза  қилиб  рақсга  тушмайдими.  Кўчалар  бекитилганини  хам  ҳеч  ким  сезмайди. Мана  шуларни  кўриб  биронта  чет  эл  давлат  рахбари  мени  Наврўз  билан  табрикламади. Менга  эса  барибир. Мени  эгаллаб  турган  мавқеим  шуни  тақозо  қилади. Чидаш  керак.  Яқин қолди. Мавқеимни  кўтариб  олсам,  кўрсатаман  уларга. Continue reading

Сатира

Яна…

Кеча ишдан чарчаб келиб кечки овқат устида телевизорни ёқсам, Наврўз байрамини кўрсатаябди. Хайрон бўлдим. “Бугун 19-март бўлса, ҳали байрамга 2 кун бору, нега булар байрам қилишаябди?”,-деган фикр хаёлимдан ўтди. Газеталарда чоп этиладиган теледастурларга кўз ташлайдиган одатим бор. “Шундоқ байрам ўтказилишини кўрмай қолдимми?”,-деб кўрпачада ётган “программа”ни олиб ўқисам, ўша пайтда “Комиссар Рекс” фильми бўлиши керак экан. Continue reading

Сатира

Фармони олия

Кеча Ўзбекистонни барча оммавий ахборот воситалари республика Президентини фармонини эьлон қилдилар.
“Вазирлик мақоми бериш ҳақида”

Тошкент шахри 18-март 2013-йил

Баъзи меҳнаткашлардан келиб тушаётган баьзи истакларни қондириш учун баьзан ўзининг сариқ чақалик аҳамиятини баьзи хилма-хил усуллар билан кўтараётганини баьзан инобатга олиб, маҳаллий ҳокимлик ва давлат идораларини елкасига ўтириб олганлигига қонуний тус бериш, Россиянинг Москва шахрида рўйхатдан ўтган холда Ўзбекистон ҳудудида олиб бораётган фаолиятини қонунлаштириб республикадаги мавжуд қонун устиворлигини таьминлаш хамда бўлажакда республика Президенти лавозимини эгаллашга етарли шарт-шароитлар туғдириш мақсадида:
1.”Ўзбекистон маданияти ва саньати Форуми” Фондига Республика Вазирлиги мақоми берилсин ва бундан кейин “Ўзбекистон республикаси Фонд Форум Вазирлиги” деб номлансин. Continue reading

Сатира

 М И Т И Н Г
Буюк Британияда чоп этиладиган «The Financial Times» рўзномаси Гулнора Каримовага бағишлаб эьлон қилган “Золим шохлик маликаси“ туркум мақолалари Ўзбекистон мехнаткашларининг адолатли ғазаб ва норозичиликларини уйғотмоқда.

Гулнорахонга 8-март совғаси деб тарифланган мақоланинг бўхтон ва ҳақоротлардан иборат ҳар бир сатри Президент И.Каримов раҳбарлигида мустақиллигимиз туфайли юртимизда мавжуд тинч ва осойишта ҳаётимизни кўра олмайдиган ҳасадгўйлар ва душманларимиз нақадар кўплигидан далолат бермоқда. Continue reading

Сатира

Марафон

6-март куни “Ўзбекистон” телеканалида Халқаро хотин-қизлар кунига бағишланган телемарафон старт олди. Ахборот воситаларида анча мақталган тадбир кўпчилик қатори менда ҳам катта қизиқ уйғотганлиги сабабли, эрта саҳардан марафон ўтказиладиган телекомпания биносига бориб олдим. Ҳақиқатда ушбу тадбирга телерадиокомпания ва тадбир ташкилотчиси- Фонд Форум томонидан катта тайёргарлик ишлари олиб борилган экан.

Жумладан ҳар бир вилоят бўйича туманларбай “узатиши” мажбур тижоратчилар руйхатлари тузилибди. Алоҳида эьтибор янгидан ташкил бўлганларга ва охириги пайтлар Фонд Форумни эсдан чиқараётганларга қаратилибди.

Шунингдек Хокимлик ва маьмурий органлар вакилларидан олиниши лозим маблағ миқдори сарҳисоб қилинибди. Continue reading

Сатира

Ушбу Фармон назоратини ўз зиммамда қолдираман

Бугун матбуотда қабул қилинган Ўзбекистон Президентини Фармони эьлон қилинди.
Ўзбекистон Президентининг Фармони
“И.В. Сталин вафотини 60 йиллигини нишонлаш ҳақида”

Бутун дунё пролетарларининг доҳийси, ГУЛАГ, НКВД, КГБ каби инсоният тарихида чуқур из қолдирган кашфиётлар муаллифи, “юртбоши” ва “халқлар отаси” унвонларининг илк бор эгаси, 30 йиллаб яккахокимлик давлат бошқаруви тажрибасига асос солган мехрибон устоз ва мураббий Иосиф Виссарионович Сталиннинг вафотини 60 йиллигини кенг нишонлаш, отахонимизни орамиздан кетганини билдирмаслик ва кенг халқ оммасига йўқлигини сездирмаслик мақсадида:

КПСС Марказий Комитети Пленуми томонидан 1953-йил 5-март куни И.В.Сталинни ўлганлиги хақидаги тарқатган хабар афсуслик ва пушаймонлик билан инобатга олинсин. Continue reading

Сатира

Ошкоралик

“Олий  Мажлис  биноси  бугун  ўзгача  безатилган.  Йўлак  ва  хоналар  қизил  алвонларга  бурканган,  деворларда   давлат   рамзлари  бўлган  юртбошимиз  суратлари, байроқ  ва  герблар  осилган. Президент  суратларини  бундан  20  йил  илгари  олинганлиги  ва  ретуша  қилинганлиги  сезилиб  турган   бўлсада,  бу  ҳолат  бинода  ҳукм  сураётган  байрамона  рухиятга  заррача  таьсир  қилаётгани  йуқ.  Йиғилганларни  юзларида  шодиёна  ва  хурсандчилик.  Бугун  Ўзбекистон  Президенти  сайловларига  роппа-роса  2  йил  қолган  кун. Continue reading

Сатира

Тадбиркаш

“Ўзбекистон Маданияти ва Санъати Форуми” Фонди томонидан 2013-йилда 7560 та тадбир ўтказиш режаси хақидаги хабар декабр ойида эьлон қилинганидан бери Ўзбекистон аҳолиси орасида энг кўп муҳокамага сабаб бўлаётган мавзуга айланган.

Айниқса январ ойи мобайнида Фонд Форум томонидан деярлик аҳамиятлик тадбирлар ўтказиламагани, Соғлиқни Сақлаш Вазирлигига тегишли бўлган ёш онколог-врачларни Туркияда малакасини ошириш лойиҳасини Фонд Форумники қилиб тарқатилган хабарлар аҳоли ўртасида бу мавзу ҳақида миш-мишларни авж олдирилишига сабаб бўлди. Continue reading

Сатира

Пулнора можароси

Лондонда дунёнинг 4та энг нуфузли “Жахон Мода хафталик”ларидан бири деб ҳисобланадиган “2013-бахор-ёз” мода коллекциялари ҳафталиги бўлиб ўтмоқда.

Жахон оммавий ахборот воситалари хабар қилишича, хафталикни очилиш маросими жанжал билан бошланиб, тўполон тадбир якунланишига қадар хали хам тўхтагани йўқ.

Бунга хафталикда таниқли дизайнер Гугуша хонимни ва у томонидан яратилган “Гули” брендини қатнашмаётганлиги сабаб бўлган. Continue reading

Сатира

19-феврал хабарлари

Давлат Божхона Қумитаси 2012-йил мобайнида аниқланган қонунбузарликлардан давлат бюджетига 52 млрд сўм маблағ туширгани ҳақида илгари хабар берилган эди . Жорий йилда Божхона иш унумдорлигини яна ҳам ошириш мақсадида Вазирлар Маҳкамаси республика ичидаги вилоятлар орасидаги чегара худудларда ҳам Божхона постлари ташкил қилиш хақида қарор қабул қилган. Шундай иморатлардан биринчиси Қамчиқ девонида ишга тушганлиги хабар қилинади. Continue reading

Луқма

Беш юз йил ва беш кун

Одамлар жуда топқир. Айниқса бизнинг турклар…

“Муҳташам аср” (“Muhtasham yuz yil”) телесериалининг  2013 йил 6 феврал, чоршанба кунги 85-бўлимида Султон Сулаймон Италия сари  ҳужум сафарига чиққани айтилди.

11 феврал куни дунё хабар агентликлари кутилмаганда Рим Папаси истеъфога чиққанини эълон қилишди.

Бизнинг турк Twitter орқали ҳаяжонини йўллади׃ Continue reading

Нурилла Остон

Бизникилар келишни ўйлайдилар, кетишни эса улар учун бошқалар ўйлайди

Ҳар бир халқнинг ўзига хос бўлган умумий тарздаги хислатлари бўлади. Масалан, гуржилар қадаҳ сўзини қотириб қўяди, французлар конякни боплайди, арманилар латифага уста бўлади, олмонлар вақтни қадрлайди, турклар пулни яхши кўради, туркманлар садоқатли бўлади. Ўрислар элликни отиб олса, “Ой мороз, мороз”ини бошлайди. Бошқа бир тоифа халқ бир-бирини ҳар куни алдаб турмаса-туролмайди.

Бухенвалд концлагерида ҳарбий асирларни етти тоифага бўлишган. Яшашдан умидини узиб, ҳамма нарсага бефарқ бўлиб қолган еттинчи тоифани “мусулманин” деб аташган. Бу тоифадаги асирлар тепки еса ҳам анграйиб қараб тураверар экан. Мусулмонларнинг хокисорлигига ҳатто фашист жаллодлари тан берган экан. Continue reading

Сатира

3-феврал хабарлари

Ўзбек матбуоти шу кунларда тарқатган баъзи хабарлар ва уларга шархлар.
1-хабар. “Ўз.А” Ўзбекистон ахборот агентлиги 2 кундан бери биронта хабар ёзмайди?…
Изоҳ. Дам олиш куни дам олишда. Улар хам одамку ахир. Президент дам олиши мумкину, Ўз.А ходимларига мумкин эмасми???
2-хабар. Ўзбекистон Давлат Божхона хизмати ходимлари 2012-йил мобайнида божхона қонунларини бузиш бўйича 24 179та(!) хотлатни аниқлаб, 107,6 млрд сўмлик(!) моддий бойликларни мусодира қилганлар… “12 news uz.” ахборот сайти.
Изоҳ. Агар мазкур ҳисобот Давлат Солиқ қумитаси, Давлат автомобил назорати хамда Ёнғин ҳавфсизлиги Бошқармаларининг йил якунлари бўйича ҳисоботлари билан жамланса, Ўзбекистон фуқаролари эртаю-кеч фақат божхона қоидаси, ёки солиқ тўлаш қоидаси, ёки автомобил харакати қоидаси ёки ёнғин хавфсизлиги қоидасини бузиш билан оввора ва Давлат бюджети фақат шу қонунбузарликлар натижасида тўланган жарималардан иборат эканлигини шохиди бўламиз. Continue reading

Сатира

2-феврал хабарлари

Охириги кунларда ўзбек матбуотида эьлон қилинган хабарлар ва изоҳлар:
1- хабар. “…Ўзбекистон болаларга медицина хизмати кўрсатиш бўйича 2011-йил якунига биноан дунёнинг 165 давлати орасида 9-ўринни эгаллаб, АҚШ, Германия ва Франция каби давлатларини орқада қолдирган.” (Podrobno uz. сайти 1-феврал)
Изоҳ. Ушбу хабар тарқатилиши билан Ўзбекистоннинг АҚШ, Германия ва Франциядаги элчихоналарига ўз болаларини Ў збекистонда даволатиш истагини билдирган минглаб фуқаролардан юртимизга виза олиш учун аризалар тушган. Натижада элчихонани консуллик бўлинмалари 24 соатлик иш графигига ўтишга мажбур бўлганлар. Тошкент шахар хокимлигида болалар касалхоналарида бемор ўринларини кўпайтириш хамда мехмонхоналарда чет элликларни қабул қилиш учун етарлик миқдорда жойлар тайёрлаш масаласида тезкор мажлис бўлиб ўтган. Тузилган тезкор штабга шахар Хокими Р.Усмонов шахсан бошчилик қилаябди. Шу билан бир қаторда Ўзбекистон Соғлиқни Сақлаш Вазири А.В.Алимов Жаҳон Соғлиқни сақлаш Ташкилотига юборган эьтирозида бу масалада Ўзбекитон ноҳақ равишда 9-ўринга туширилгани ва унинг маьлумотига кўра давлатимиз биринчи учталикдан жой олиши кераклигини билдирган. Continue reading

Сатира

Фармони олия
Ўзбекистон Республикаси Президентининг Фармони
1. Бўлиб ўтган Ўзбекистон Президентининг 75 йиллиги байрамини юқори савияда ўтказилишини таьминлашдаги фидокорона мехнатлари, давлат раҳбари обрўсини кўтаришда кўрсатган маддохлик саньати учун қуйидагилар тақдирлансин:
“Фидокорона мехнатлари учун” ордени билан:
-Дубнов Аркадий (“Говорим Узбекистан, подразумеваем Каримов” мақола муаллифи) – Путин хокимиятга келгандан сўнг Ўзбекистон Президенти билан мунтазам учрашувларига бархам берганидан соқол қўйишга мажбур бўлганлиги учун; Continue reading

Сатира

У ўлмади, биз қутулмадик

Ўзбекистон давлати рахбари И.Каримовнинг 75 йиллик тўйи муносабати билан бугун Тошкентда бўлиб ўтаётган тантаналар ҳақида махсус мухбиримиз хабар қилади:

Бугун эрта тонгдан минглаб ҳамюртларимиз Доҳий хайкалига гулчамбарлар қўйиш мақсадида Хасти имом мажмуаси тараф йўл олдилар. Куни кеча бу ерда тантанали равишда Доҳий хайкалини очилгани хақида хабар қилган эдик. Continue reading

Сатира

Давлатимиз раҳбари оиласида бугун эрталабки нонушта пайтида катта жанжал чиққан

Тошкент шахар хокимлигининг “Кўча ва махаллаларни номини тартибга келтириш” хақидаги қарори МДҲ давлатларининг пойтахтлари ва йирик шахарлари рахбарларида катта қизиқиш уйғотганлиги хабар қилинади. Шахар Ҳокими Р.Усмонов номига шу масалада хамкасбларидан ва турли фаоллардан келиб тушаётган хатлар ва мурожаатлар сони кундан кунга ўсиб бораябди. 28-январ куни Россия Президенти В.Путин Москва шахар мэри(хокими) С.Собянин билан учрашуви чоғида пойтахт рахбарига зудлик билан Тошкентга бориб, кўчаларни замонавий номлаш тажрибасини ўрганиб келишга даьват этган. Шахар хокимининг бу топшириқ бажарилишига мухолифат қаршилик қилса керак, деган шубҳасига Президент –“Биз Тошкентликлар каби “Собака лает, караван идет” сиёсатини қўллаймиз!”,- деб сўзини якунлаган. Бу хақида Россия Президенти матбуот маркази хабар қилади. Continue reading

Сатира

Ўхшамаса учрамас

Мамлакатлар орасида мавжуд кўплаб дипломатия сирларини фош этган таниқли “Викиликс” сайти АҚШнинг Ўзбекистондаги элчиси Жорж Кроллнинг Ўзбекистон – Россия алоқаларидан хавотирланиб жўнатган хатини ўз сайтида эьлон қилган.

Жумладан элчининг Марказий разведка Бошқармасига юборган хатида бу икки давлатнинг рахбарлари собиқ разведкачи бўлганликлари ва яқин орада бирга разведкага бориш ниятларига АҚШ мулозимлари алоҳида эьтибор бериш лозимлиги айтилади.

Элчи жаноблари ўзларининг фикрларини асослар экан, ўзбек халқини ибораси билан айтганда уларнинг юлдузлари бир-бирларига тўғри келганликлари бекорга эмаслигини таькидлайди. Continue reading

Сатира

3 сменалик тўхтовсиз жадвал бўйича

Ходисалар хроникасидан. 26-январ куни Тошкент шахрининг Чорсу бозори ёнида жойлашган 1-сонли “Китоб дўкони” олдида минглаб одамлар иштирокида бетартибликлар кузатилган. Бунга бир кун олдин ушбу дўконда Президент И.Каримовнинг “Жахон молиявий-иқтисодий инқирози. Ўзбекистон шароитида уни бартараф этишнинг йўллари ва чоралари” китобининг сотувга чиқиши хақида қилинган эьлон сабаб бўлган.

Эрта тонгдан дўкон очилишини навбатда кутиб турган 15 мингдан ортиқ оломон олдига соат 9-00 да дўкон мудири Шавкат Олимов чиқиб, бугун бор-йўғи 3 минг нусха китоб сотилишини маьлум қилган. Continue reading

Сатира

Алоқалар

Тошкентда Ўзбекистон хотин-қизлар қумитасининг ҳисобот-сайлов конференцияси бўлиб ўтганлиги хабар қилинади. Конференция ишида барча вилоят, шахар ва туманлардан сайланган депутатлар иштирок этдилар. Шунингдек конференция ишида Бирлашган Араб Амирлиги, Ҳиндистон, Малайзия, Туркия ва бошқа давлатларда тунгги мехнат билан банд бўлган юртимиз хотин-қизларининг вакиллари қатнашганлар. Улар орасида сўзга чиққан Тошкентлик Розия-ойим Каттахўжаева ўтган даврни чет элга юборилган элимиз вакиллари яхши натижалар билан тугатганини ва режа кўрсатгичлари ортиғи билан бажарилганини фахр билан қайд этди. Continue reading