Улуғбек Бакир- 40 ёшда

Улуғ Бек


Камина таниган ва ҳурмат қиладиган журналистлардан бири Улуғбек Бакирдир. Унинг қирқ ёши муносабати билан дилимдагиларни айтиб, жўшмоқчи эдим. Аммо худди сувнинг олдини бекитгандек, Улуғбек бунга йўл бермади. У камина ҳақида кўрсатув қилди ва мени ноқулай ҳолга қўйди. Бир нима десам, худди бор товоғим, кел товоғимга ўхшаб қоладигандек. Шунинг учун дилимдагиларни кейинчалик, мавридини топиб айтишга қарор қилдимда, бугун уни қисқа сатрларда муборакбод этишни лозим топдим.
Улуғбек мухолиф журналистиканинг улуғ бекидир. Унга ижодий баркамоллик, метин саломатлик тилаш баробарида келажакда халқимизга яқиндан хизмат қилиши учун ватан ичкарисидаги матбуотда ҳам йўллар тезроқ очилишини тилайман.


Ўқиши билан банд бўлиб, кейинги пайтда фаолликдан олган танаффуси унга қудрат бағишлашига умид қиламан. Яқин орада у яна ўзини ижтимоий тармоқларнинг залвори сифатида намоён этишига, бундан икки йил олдинги чўққисига қайтишига ишонаман. Бургут қоядан узоқда яшай олмайди.
Қирқ ёш – йигитлик. Демакки, унинг гулдурак, чақинли одимларини янада ёрқинроқ эшитамиз.
Сизнинг видеоларингиз ва ёзувларингизни соғиндик, азиз укам!
Туғилган кунингиз билан!

Жаҳонгир Муҳаммад

 

%d bloggers like this: