Камолиддин Раббимов

Қуш, кичик одамчалар ва аждарҳо
Биз шундай миллатмизки, кичик қушдан ўзимиз аждарҳо ясаймиз. Гарчи қуш бошида аждарҳо бўлишни истамасада, “вазият тақозоси шу: муаммоларни ҳал қилиш учун сен қудратли ва маҳобатли бўлишинг керак!” дея, унда ўта йиртқич махлуқ шакллантира борамиз. Уни ҳеч ким тергамайди, чеклаб-чегаралаб турмайди, уни истаги қонунга айланиб боради…
.
Бир кун келиб, у беқиёс йиртқич аждарҳога айланганда, атрофдагиларни ямламай ютишни бошлаганида, қўлимиздан келганимиз қочамиз, қолганларимиз кўз-қулоқни жим юмиб, нафас олмасдан бурчакда яшириниб тураверамиз.
.
Яна бир кун келганда, ўша аждарҳо йиқилиб, ўлиб, қамалиб қолганида, ўша йиқилган аждаржони устига чиқиб, унга ҳақоратлар ва танқидлар ёмғири ёғдира туриб, янги қушларга хитоб қила бошлаймиз: “Сен адолатлисан! Сен маҳобатли ва унданда қудратли бўлишинг керак! Айнан сенсан бизга кераги!”. Аждарҳо ўлди/қамалди/жазоланди, яшасин аждарҳо!

Санжарали Имомов

“Нега нолийверасиз”…

Бу гапни ФБ да ҳам,турмушда ҳам менга кўп дакки қилишади. Бир вақтлар Маданият вазири “Санжарали Оллох сизга ҳар тарафлама бериб қўйган бўлса-ю,нега ношукурлик қилаверасиз”деганди.Кеча қўшним “Санжар хожиака учта бақувват эркакнинг меҳнатини қила олсангиз. Уч қаватли участка қуриб қўйиб,яна ношукурлик қиласиз-а. Оллохнинг қаҳри келишидан қўрқмайсизми?”эмиш.”Унга А.Қаҳҳорнинг “Уй-жой бахт бўлган-да,иссиқ оғилҳонада кавш қайтариб ётадиган, молдан бахтлиси бўлмасди.”дедим.
Қўшним-ку ўқимаган.Лекин туппа-тузук одам деб юрганларинг ҳам шу аҳвол.
Ростдан ношукурманми?
Ҳа…Ношукур эканман…
Ҳатто томоғимдан таом ўтиб турганидан ҳам нолир эканман.Чунки қамоқдаги мусулмон нима еб кун кўраётган,сил касалидан қуруқ устихон бўлган пайтда,томоғимдан лўқ-лўқ таом ўтишидан нолийман, Қанчадан-қанча оила қозонида гўшт қайнамаётганидан, минглаб гўдак оиламга пул топай деб тентираб юришидан нолийман,
Ҳа мен ношукур бандаман…
Комолиддин ,Жаҳонгир, Мўътабар, Ёдгор улар каби минглаб юртнинг асл фарзандлари юртига келолмаётганидан нолийвераман.
Ҳа мен ношукур бандаман…
Уччига чиққан порахўрлашган юрт граждани бўлганимдан нолийвераман.
Ҳа мен ношукур бандаман…
Санайверсам бу каби важларим адоғсиз.
Фаровон яшасам-у,бир тарафга қарасам ғамнок кўзлар,бир тарафда лоқайликдан дийдаси қотган умидсиз,маънисиз чеҳраларни кўравериб қандай ўзимни бахтли ҳис этай?
Ишонинг-ишонманг…Агар-ки…Одамларнинг завқ тўла қувончли кўзларини кўрсам-у,ўзим бировлар эшигида хор-зор юрган бир нотовон ночор бўлганимда эди,ҳеч зорланмас эдим.Нега-ки дарвешлик ижодкорга мансаб.
Кўрябсизми шу ерда ҳам ношукурман…

Рузибой Қулдошев

Бугун Ўзбекистон ва Тожикистон халқ артисти, миллионлаб қўшиқ шайдоларининг севимли ҳофизи Шерали Жўраевнинг таваллуд айёми.Кечадан бошлаб пойтахтимизнинг муҳташам “Халқлар дўстлиги “санъат саройида буюк ҳофизнинг асосан жонли ижродан жамланган концерти бошланди.Ўзбек қўшиқчилик санъатининг бетакрор ижодкори Шерали Жўраев ўзининг узоқ йиллик изланишлари туфайли миллий қўшиқчилик қиролига айланди.Унинг қўшиқлари кирмаган хонадон ва унинг қўшиқларини тинглаб ҳайратга, ҳаяжонга тушмаган қалб қолмади, десак муболаға бўлмас.
Бетакрор ҳофизнинг ота боболари ва ўзлари ҳам отга ўзгача меҳр билан қарайдилар.Шунинг учун бугун Шерали Жўраевнинг туғилган куни ва мухлислари ҳузурида бошланган концерти муносабати билан миллионлаб қўшиқ шайдолари номидан қутлайман.Мустаҳкам саломатлик ва дилтортар қўшиқлари билан халқимизнинг олқишини олиб юришларини Яратган Эгамдан сўраймиз. Ўзлари суюган отдек омад ҳам ҳофизимизнинг атрофида чопаверсин!

Image may contain: 4 people, people standing and suit
Image may contain: horse
Image may contain: 2 people, people smiling, people standing
Image may contain: 2 people, people sitting and indoor
Image may contain: 4 people, people standing and suit
+2

Муҳаммад Исмоил

Бир қишлоқда бир йигит бор экан. У номи чиқиб машҳур бўлишни, одамлар у ҳақида гапириб юришларини орзу қилар экан. У ишни қилибди, бу ишни қилибди, лекин барибир номи чиқмабди. Охири ўйлаб ўйлаб, қишлоқ ўртасидаги ҳамма сув ичадиган ҳовузга бориб туфлабди. Қишлоқда шов шув кўтарилиб кетибди. Ҳамма у ҳақида гапира бошлабди. Кимдир лаънатлабди, кимдир қарғабди, кимдир билмасдан қилгандир дея тарафини олибди.
Кейинги пайтларда ФБда ҳам мана шундай обрў қозонишни, шов шув кўтаришни истайдиганлар, миллатимиз, динимиз, ор-номусимизга тупурадиганлар ва ўзига гап сотиб олишни истайдиганлар кўпайиб қолди. Бу яхши ҳолат эмас. Катта олимнинг ёқасидан олсам кейин мени ҳамма танийдиган бўлади, қабилида иш тутувчилар бор. Миллатни менсимасам, миллатдан ўзимни юқори олсам мени доно деб ўйлашади дегувчилар бор. Президентни сўксам, шаҳар хокимини ошкора сўксам ҳамма менга қойил қолади дегувчилар бор. Сўкиш – жоҳилликдан далолатдир. Олим бўлсанг, Президентга ҳам, шаҳар хокимига ҳам ётиғи билан айт. Агар ҳақиқатдан ҳам билимдон бўлсанг, марҳамат майдон кенг, ФБ га миллион варақ илмли сўзлардан ёз, биз қойил қолайлик ва сени энг катта уламо сифатида тан олайлик. Кўз ўнгимизда миллатимиз маърифати ривожланганига гувоҳ бўлайлик. Аммо, қани ўша илм? Қани ўша донолик? Биз негадир кўрмаяпмиз. Шахсан мен яхши илмга, яхши сўзга муҳтожман. Аммо ФБда яхши сўз ҳам, яхши илм ҳам тобора камайиб бораяпти. Яхши сўзимиз бўлмаса, илмимиз бўлмаса миллат сув ичадиган ҳовузга тупурмаганимиз маъқул. Чунки, Термизий бобо келтирган ҳадисда шундай дейилган: “Мусулмон одам ахлоқсиз, бировларни лаънатловчи ва ифлос сўзларни айтиб юрувчи бўлмайди”. Ҳеч бўлмаганда оддийгина мусулмон бандаси бўлиб юрайлик. Шунинг ўзи катта бахт. Шундай эмасми? Ҳовузчи, ҳовуз нима бўлибди дейсизми, кейин одамлар ҳовуздан ирганадиган бўлишибди. Эҳтиёт бўлайлик, баъзиларнинг касофати туфайли одамлар исломдан қочадиган бўлишмасин, азизлар.

Муҳаммад Исмоил

Image may contain: 1 person, outdoor

Саҳвий

Биз

Бизни душман дейди элга элни дўст ошноси Биз,
Жоҳилу нодон дегайлар, олиму, доноси Биз .

Зулму золимга қилиб исён адолат топмайин ,
Номлари бадном бўлиб қолган ватан расвоси Биз .

Ватангадолар ватанга қилди хоинлик деманг,
Хоин эмас, ватанпарвар, асли юрт пешвоси Биз.

Эртами кеч, Ҳақ Адолат барибир ғолиб бўлур,
Бу ҳаёт қонунидир, бўлмасмиз истисноси Биз.

Зулм аҳли кеча кундуз, билмагай ором надир,
Мустабид уйқусини бузган ёмон рўёси Биз.

Адолат ва ҳурриятни, ўрнатиш даври бугун,
Обод, Эркин, Ҳур ватанни соғиниб, шайдоси Биз.

Умидингни узма Саҳвий, фатҳ ила нусрат яқин,
Бу кураш майдонда мардлик бобида танҳоси Биз .

Саҳвий

2015 апрел

Дадахон Ёқубов

ШЕРАЛИНИНГ ҲОНИШЛАРИДА…
(Буюк ҳофиз Шерали ЖЎРАЕВнинг таваллуд куни муносабати билан )

Темир қайнар, армонлар вулқон,
Ишққа тўлган бу қайнар қозон,
Ғофилларга огоҳли озон,
Шералининг ҳонишларида.

Ҳазрат Алишернинг ҳайрати,
Мирзо Бобур шиддат-ғайрати,
Андижонда қолган сурати,
Шералининг ҳонишларида.

Ёрилтошнинг бағри ёрилур,
Шоир қалби нурга қорилур,
Биринчи муҳаббат тирилур,
Шералининг ҳонишларида.

Ўзбегимнинг овози янглиқ,
Садо берса эзгу ҳайқириқ,
Минг оҳангда, минг рангда борлиқ,
Шералининг ҳонишларида.

Тўтилар ҳам созларин чертар,
Булбулман деб тамоғин йиртар,
Туман каби тарқалиб кетар,
Шералининг ҳонишларида.

Замон йуқ, макон йўқ, бор овоз,
Дардларимиз унутиб бир оз,
Қўшиқ бўлиб топайлик эъзоз,
Шералининг ҳонишларида.

Image may contain: 1 person

Дилмурод САЙЙИД

СОҲИБҚИРОН ҲАЙКАЛИ ҚОШИДАГИ ЎЙЛАР

Бошқа ҳудудларни билмадиму, лекин пойтахт Тошкентдаги 1992 йилдан бошлаб қурилган-тикланган ё барпо этилган аксар монумент-ёдгорликлар яқинида алоҳида мармартошга УШБУ “Шахсан Ўзбекистоннинг биринчи Президенти Ислом Каримов ғояси(таклифи), ташаббуси билан тикланган)” мазмунидаги таъкид зарҳал ҳарфларда ёзиб қўйилган.

Шу ўринда “Тошкент оқшоми” газетасининг 1992 йил 9 июн сонида “Кўпнинг кенгашига!” рукни остида берилган “БУЮКЛАРГА БУЮКОНА ЭҲТИРОМ ЗАРУР!” мақоласидан иқтибос келтиришга эҳтиёж туғилди.

“…мукаммаллигимизни билмаслигимиз, саллани деса бошни олиб келишга одатланганимиз, қолаверса, Манқуртга айлана бошлаганимиз сабабли минг-минг йиллардан суяк суриб келган, қадимий ота-боболаримиздан қолган меъморий ёдгорликларни, жаҳонга машҳур “Буюк ипак йўли” сарбонлари назарига тушган тарихий жойларни ўйламай –нетмай бир қалам уриш билан ўзгартириб юборавердик. Дангалини айтадиган бўлсак, … Тошкент шаҳри ўз тарихий қиёфаси қадриятларининг топталиши, оёқости қилиниши, ҳатто ҳақоратланишида жаҳон шаҳарлари орасида биринчи ўринда турса керак…
…Тошкент шаҳар Атамалар комиссияси томонидан тавсия қилинган навбатдаги таклифлар ўз тасдиғини топиб, … “Энгельс кўчаси” Улуғ соҳибқирон Амир ТЕМУР номи билан юритиладиган бўлди. Демак, яна бир ҳақиқат тикланди.
Маълумки, Амир Темур кўчаси ҳозирда “Марказий хиёбон” деб номланаётган собиқ “Октябрь инқилоби хиёбони”дан бошланади. Шу муносабат билан айрим таклифларни баён қилишга ўзимизни бурчли, деб билдик:
“Марказий хиёбон”да Карл Маркснинг машъала ёқиладиган идишга ўхшаш тагсупага ўрнатилган ҳайкали (боши) қўйилган. Бу ҳайкал (агар уни шундай аташ мумкин бўлса!) шу қадар дидсизона ишланган “санъат асари”ки, у қадим-қадимдан ўз буюк бадиий нафосатига эга бўлган халқимизнинг иззат-нафсига мос тушмайди. Уни қанчалик тез олиб ташланса, шунчалик мақсадга мувофиқдир. Ана шу ҳайкал ўрнига Улуғ соҳибқирон Амир ТЕМУР ҳайкалини ўрнатишни таклиф этамиз. Шу ният амалга ошса, Тошкентимиз Марказий хиёбонида буюк ватандошимизнинг от устида салобат, виқор ва мағрур турган ҳолати шаҳримиз кўркига кўрк қўшиб, ҳалқимиз ғурури, ифтихорини кўз-кўз қилиши табиий.” (“Тошкент оқшоми” газетасининг 1992 йил 9 июн сони, муаллифлар: Малик МУРОДОВ, Филология фанлари доктори, профессор, “Амир Темур ўтган йўллар” экспедицияси раҳбари, Тошкент шаҳар Кенгашининг депутати; Дилмурод Саидов, Тошкент шаҳар Ҳокими ижроия маҳкамаси Атамалар комиссиясининг масъул котиби.)
Айнан шундай сарлавҳадаги мақолани ўша йили “Халқ сўзи” газетасида ҳам доцент Муҳсин Зокиров билан ҳаммуаллифликда эълон қилгандим. Муҳсин Зокиров ҳаммуаллифлигида ёзилган мақолада ҳайкал тиклаш билан бир қаторда ўша ҳудуддаги метро бекати ва Марказий хиёбонга ҳам соҳибқирон Амир Темур номи берилишини киритганмиз. Бу таклифлар ҳар икки олим билан ўзаро келишувим асосида мен томонимдан мақола қилиниб, тайёрланганди. Бунинг учун “Шаҳар Ҳокимлиги номидан ҳокимлик раҳбарияти розилигисиз таклиф киритганим”га ҳам Министрлар Советидаги, ҳам ҳокимликдаги “куратор”лардан оғзаки огоҳлантириш олгандим. Чунки ҳайкал борасидаги Қарорни шаҳар эмас, фақат “КабМин” чиқариши мумкинлиги ва бу уларнинг ЛИНИЯСИ экани, бунга аралашув менинг ваколатимга кирмаслиги алоҳида таъкидланганди…
Хулоса ўрнида айтганда, биз кўтарган масала- Улуғ соҳибқирон Амир ТЕМУР ҳайкалини ўрнатиш, ўша ҳудуддаги метро бекати ва Марказий хиёбонга ҳам соҳибқирон Амир Темур номи берилиши таклифлари кўп ўтмай “Темурийлар даври музейи”ни ҳам барпо этиш лойиҳаси киритилиб, “Шахсан Ўзбекистоннинг биринчи Президенти Ислом Каримов ғояси(таклифи), ташаббуси билан” амалга оширилди… Шунисига ҳам шукр!

Дилмурод САЙЙИД,
мустақил ижодкор.

Image may contain: one or more people, people standing, sky and outdoor

 

Равшан Шамс

Лаби ҳавузга бориш ниятим бор

Икки ё уч яшарлигимда қаттиқ касалликка чалиниб қолганимда, раҳматли онамлар мани кроватда, ўзи ерда ётиб, касалхонада узоооқ даволатган, врачлар онамга «бу болача барибир ўлиб кетади, қийналиб юрманг, олиб кетинг» деганида, қайсидир бир қаландар-дарвиш раҳматли дадамларга, «кўп ғам ема, болага кокил қўй ва бошини Бухорони фалон ерига ниёз қил, зора тирик қолса» деган экан. Дадамлар ҳам кўп қаттиқ ният билан сочимни олдириб, кокил қолдириб, яхши орзулар қилган экан. Тирик қолганман.

Continue reading

Текин маслаҳат 

Америкада қандай қилиб уй-жойли бўлиш мумкин?
Шу ҳақда тажрибаларим билан ўртоқлашаман.

https://www.youtube.com/JAHONNOMA