Ўзбекистон Президенти Шавкат Мирзиёевга таклифлар

matbuotМатбуотга ишониш керак

Сиз 28 декабрда имзолaган “Жисмоний ва юридик шахсларнинг мурожаатлари билан ишлаш тизимини тубдан такомиллаштиришга доир чора-тадбирлар тўғрисида”ги Фармон бу соҳада кескин ўзгартириш қилишни назарда тутган. Жумладан, вилоятларда президент Девонининг қабулхонасини очиш яхши ниятнинг ифодасидир.
Аммо ўзбек зеҳниятига кўра, бу унчалик фойда бермайди. Чунки Девондан маош олиб, вилоятда ўтирадиган одам ўзини кичкина президент ҳисоблаб, вилоятдагиларни оёғининг учи билан кўрсатиши, унга ёқмаган маҳаллий раҳбарни тепага ёмон кўрсатиши, устидан шикоятлар уюштириши каби ҳоллар юз бериши мумкин.
Икки қўчқорнинг боши бир қозонда қайнамайди дегандек, икки ҳокимиятчилик рўй беради.
Баъзи ҳолларда эса маҳаллий ҳокимлар билан тил бириктириб мурожаат қилган одамни синдиришлари, унга туҳмат уюштиришлари ва қамаб юборишлари ҳам юзага чиқади.

Continue reading

Мирзиёевга таклифлар

Oqsaroy4. Дунё ўзбеклари конгрессини чақиринг!

Ўзбекистонда янги давр бошланди. Мамлакат ичидаги ва ташқарисидаги ўзбеклар Сизга катта ишонч билдирдилар. Сайловдаги ғаланбангизни қутладилар. Ўзингиз ҳам буни ҳис этганингиз ва ишончни оқлаш учун хизмат қилишингизни айтганингиз, кўпчиликда келжакка умид уйғотди.
Аҳли некбинлар биладики, энди Сиз ўзбекнинг лидерисиз. Ўзбек дунёнинг қаерида яшамасин, юрагининг бир четида ватанини сақлайди. Сиз ана шу Ватанда бугун лидерсиз! Демак, бу катта маъсулият ва катта юкдир!
Бугун ўзбеклар дунёнинг турли бурчакларига тарқаб кетдилар. Бир томондан ёмон, иккинчи томондан яхши. Ёмонлиги улар ўз ихтиёрлари билан кетмадилар. Ҳаёт ташвишлари, қийинчиликлар, муаммолар уларни шунга мажбур қилди. Яхшилиги эса бугун Ўзбекистоннинг дунёнинг ҳамма бурчида тамсилчилари, кўнгилли элчилари бор.

Continue reading

Дилдаги гаплар

jm_12-6-2016Ноумид шайтондир!

Ҳамманинг ва ҳамма нарсанинг душманлари бўлади. Бу оддий ҳақиқат. Лекин умиднинг ҳам душманлари бўларкан?!
Кимлардир келажакдан умид қилаётган бир пайтда уларни айбалаётнлар чиқиб қолмоқда. Буни қандай тушуниш мумкин?
Айблаётган ўзини ким деб ўйлайди?
У кимки, келажакни айтиб беролса?
Одамлар энг оғир шароитларда, урушларда қон дарё бўлиб оққанда ҳам умидга суянганлар.
Золимнинг зиндонларида тишлари синганда, совуқ бетондан нафрат қилганларида темир эшикдан кўринган ёғду ҳам умид эди.

Continue reading

Муносабат

mirziyoevАдашганим рост бўлсин!

Ҳали ҳужжатлар Каримов имзоси билан чиқаётган кунларда “Озодлик”даги суҳбатимда ва сўнгра Би-би-си даги баҳсда президентликка Шавкат Мирзиёевнинг келишини ва ундан сиёсий ислоҳотлар кутмаслигимни айтгандим. Чунки Ўзбекистон бирдан қилинадиган сиёсий ислоҳотларни кўтара олмаслигидан хавотирда эдим. Мирзиёев даставвал фақат иқтисодий ислоҳотлар қилишини тахмин этгандим. Лекин бироз адашган кўринаман. Адашганим рост бўлсин!

У сиёсий ислоҳотлар борасида ҳам кичик бўлсада қадамлар ташламоқда. Жумладан, Коррупсияга қарши махсус қонун тақдим этиб, кескин курашамиз, деди. Буни сайловолди “олибқочма”си дейишди. Лекин у тезда бу лойиҳани тақдим этди ва кеча шундай қонун парламентда муҳокамадан ўтди. Continue reading

“Туғён” радиосида: (2)

https://soundcloud.com/tugyon/jahongir-muhammad-2-qism

“Туғён” радиосида: (1)

https://soundcloud.com/tugyon/ozbekistonliklar-kongressi-qanday-tashkilot-jmuhammad-va-dhasan-bilan-suhbat-1-qism

Мукофот

dadaxonhasanИфтихор

Яқиндагина фаолиятини бошлаган Ўзбекистонликлар конгресси  “Ифтихор” мукофотини таъсис этди. Бу мукофот  кенг миқёсда иззат-ҳурмат қозонган, демократия, озодлик, эркинлик учун курашган, интеллектуал хазинага ўз ҳиссасини қўшган инсонларга берилади.

Бир минг долларлик мукофотнинг биринчи соҳиби шоир, ҳофиз ва бастакор Дадахон Ҳасан бўлди.  Бу йилги мукофот рамзий эди. Ўзбекистон билан алоқа бошланиши рамзи сифатида янги чиққан Айфон(iPhone7+) телефони бошқа ҳадялар билан Дадахон Ҳасанга топширилди.

-Ташкилотимиз ҳеч қаердан грант олмайди, шунга аҳд қилган ва фақат ўз шахсий ҳисобимизга қурилаёгани учун кичик мукофотни ҳам катта деб биласиз. Аслида Сиз ўзбек ижтимоий қўшиқчилигига қўшган беқиёс хизматингиз учун жуда юксак мукофотларга лойиқсиз, ўша кунларни ҳам орзу қиламиз,-деди Ўзбекистонликлар Конгрессининг раиси Жаҳонгир Маматов мукофотни топширар экан.

Continue reading

Мирзиёевга таклифлар

viza3. Халқни “ОВИР” зулмидан қутқазинг!

Ўзбекистонга инвеститсия киритиш учун хориждаги инвесторларнинг ишончини қозониш осон иш эмас. Буни Сиз жуда яхши англайсиз.
Шундай экан, биринчи қадам сифатида тадбиркорлар, бир бурда нонимни ўзим топаман деганлар, олисдаги яқинлари билан дийдорлашишни истаганлар, қариндошлариникига бориб-келишни режалаганлар, тўй, ўлим-йитимларда шошилинч йўлга чиққанлар, умуман барча ўзбекистонликларни “ОВИР” деган зулмдан қутқариш керак.
Бу Президент учун жуда осон масала.
Ана шу осон масалани ҳал қилиш билан нимага эриши мумкин?

Continue reading

“Озодлик”да янги рукн: Мирзиёевга таклифлар

jm_12-6-2016Жаҳонгир Маматов бироз ошириб юбормадими?

Куни кеча Ўзбекистон президенти сайловида ғалаба қозонган Шавкат Мирзиёев сайловолди кампанияси давомида Ўзбекистон Республикаси президенти вазифасини бажарувчи сифатида бир қатор ташаббусларни бошладики, натижада нафақат мамлакат ичида, балки ташқарида яшаётган ўзбекистонликларда ҳам умид учқунлари пайдо бўлди. Бу фикрга мамлакатнинг янги раҳбарияти номига битилган таклифлар далил бўла олади. Зеро, қабул қилинишига ишонч бўлмаса, ҳеч кимдан таклиф чиқмайди.

Озодлик радиоси ана шундай таклифлар учун минбар беришга қарор қилди. Бу минбардан ҳар бир ўзбекистонлик фойдаланиши, ўз фикр-мулоҳазалари ва таклифларини кўпчилик билан ўртоқлашиши мумкин.

Continue reading

Мирзиёевга таклифлар

kitob2. Маддоҳларга мукофот берманг!

Асрлардир шоҳларга, амирларга маддоҳлик қилиб келганлар шу йўл билан ўзларини буюк ижодкор кўрсатиб, тарих қатига олиб киришга уринганлар. Улар ҳукмдорларни севмаганлар. Аммо ҳукмдорларни ўз манфаатлари йўлида ишлатганлар. Совет даврида ҳам, мустақиллик йилларида ҳам шундай бўлди. Бундайлар мақтов, мадҳия ёзиши билан ҳукмдорни гўё одил раҳбар, раҳнамо қилиб кўрсатишга уриндилар, лекин мақсадлари бошқа эди.
Раҳбарнинг кимлиги, обрў-эътибори унинг халққа қилган хизмати билан ўлчанади. Халқнинг ишончини қозонишдан олийроқ мақтов йўқ.
Раҳбар ҳақида кимдир китоб ёзиши керак эмас. Раҳбар ўз китобини ўзи ёзади.
Тарих бўйи истеъдодли зиёлилар ҳукмдорларни мақтов ва мадҳия билан йўлдан урганлар, халқ наздида ёмон отлиқ қилганлар.

Continue reading

Президент Шавкат Мирзиёевга таклифлар

kitob-jm1.Пул керакми, марҳамат!

Ўзбекистон учун энг катта инвеститсия бу хориждаги ўзбекларга йўл очиш ва уларнинг ҳақ-ҳуқуқларини кафолатлашдир.

Агар шундай қилинса, Ўзбекистонга биргина Америкадаги ўзбеклар ҳисобидан жуда қисқа вақтда бир неча миллиард доллар атрофида пул киради.

Биринчидан, бу ердаги ўзбеклар меҳнат таътилларини Ўзбекистонда ўтказадилар ва йил бўйи йиққан пулларини олиб бориб, сарфлайдилар.

Иккинчидан, қўлида сармояси бўлганлар жуда кўп. Улар минг-минглаб иш жойлари яратадилар. Ҳатто электр энергияси, газ таъминотини яхшилаш учун ҳам етарли иш қилишлари мумкин. Бугун буни Америкадан Африка ёки Мянмарга бориб бажариб келаётган ўзбеклар ўз ватанларида ҳам жон деб амалга оширадилар.

Continue reading

Сайловда “Ўзбекистонликлар конгресси” аъзолари ҳам қатнашдилар

Дадахон Ҳасан: Шавкат Мирзиёвни реформатор деб биламан

saylov
Ўзбекистоннинг янги президентини сайлаш бутун мамлакатда бўлгани каби хориждаги ўзбеклар орасида ҳам катта умидларга боғланди.
Бугунга қадар Ўзбекистоннинг Вашингтондаги элчихонаси бу қадар кўп сайловчини кўрмаган.
Сайловда жумладан, “Ўзбекистонликлар конгресси” аъзолари ҳам қатнашдилар. Ташкилотнинг фахрий аъзоси ҳофиз ва шоир Дадахон Ҳасан, ташкилот фаоллари Зокир Али, Бахтиёр Ҳасан ҳам Ўзбекистон элчихонасига ташриф буюрдилар.
-Эрта тонгдан кечга қадар одамлар оқими тинмади,-дейди оила аъзолари билан келган Бахтиёр Ҳасан.- Ҳаммани хурсандчилик кайфиятида кутиб олишди. Элчихона вакилларининг қўли кўксида, уларга раҳмат айтмасдан кетолмадим. Улар АҚШнинг турли минтақларидан келганларнинг саволларига ҳам, менинг саволларимга ҳам батафсил жавоблар қайтаришди.
-Мен катта умидлар билан Шавкат Мирзиёевни сайладим,-деди ҳофиз Дадахон Ҳасан.- Узоқ йиллардир орзу қилган нарсаларим бир неча кунларда амалга оша бошлади. Халқимизнинг келажаги порлоқ бўлишига ишонмоқдаман. Демократияга кенг йўл берилиши, катта ислоҳотлар қилинишига умидворман. Шавкат Мирзиёв реформатор сифатида ўзини кўрсатмоқда, шундай бўлиб қолишини жуда истайман. У кучли лидер. У халқ билан бирга бўлади! Қўшиқларим ва шеърларимда орзу қилганларимни бугун ҳаётда кўра бошладим. Унинг командаси реформаторлар командаси бўлади, деб ўйлайман.
Сайлов фавқулодда қизғин ўтди. 
Суратда: “Ўзбекистонликлар конгресси” аъзолари, сайловга келган ака-ука Чориевлар ва бошқа меҳмонлар.
“Ўзбекистонликлар конгресси” Матбуот хизмати.

Одил Рўзалиев: Америкада Ўзбекистон сайлови