Оқсарой ҳангомалари (Сиёсий сатира)

to'n7.Тўн

-Шаҳар бедарвоза бўлиб қолдими?-деб сўради “Катта” собиқ муфтийдан киноя билан.

-Ҳар шаҳарнинг эгаси, соҳибқирони бўлганидек, бизнинг диёрда ҳам калит сизнинг муборак қўлингизда, тақсир,-деди собиқ муфти.

-Ундай бўлса, нега пулдор Алишерга тўн ёпиб юрибсизу, ман хабарсизман, шайх ҳазратлари?

-Биласизку, “шайх” деган сўзнинг биринчи маъноси “қария” деганидир. Биз ҳам қариб қолдик, хато қиламиз, узримизни қабул этинг, бир қошиқ қонимиздан кечинг, тақсир!-деди собиқ муфти қўлини кўксига қўйиб.

-Агар кексаларни шайх дейдиган бўлса, нега мени шайх демайсиз?,-ажабланди “Катта”

-Сиз амирсиз, тақсир, қўл остингизда миллионлаб шайхлар бор…

-Лекин у шайхларнинг пулдорларга тўн ёпганини билмасам, қанақасига амир бўламан?

-Тақсир, бу дунёда сиз билмаган нарса борми? Ер остида илон қимирласа ҳам сизга равшан бўлади. Сизнинг законгиз олдида ҳеч ким ип эшолмайди.

Бу “Катта”га ёқмади ва собиқ муфтини “узиб олмоқчи” бўлди׃

-Фақат калласи хум, чўнтаги қаппайган, муттаҳамларгагина эмас, гапга ҳам тўн кийгизиб юборасиз-а, тақсир,- деди у киноя билан.

Собиқ муфти ҳам бўш келмади׃

-Лекин… тўн кийгизганларимиз рўйхатида сиз биринчи турибсиз, тақсир!,-деб мийиғида кулди.

Жаҳонгир Муҳаммад

Advertisements

About TURONZAMIN

supporter of democracy
This entry was posted in 1.BOSH SAHIFA, JM and tagged . Bookmark the permalink.