Сиёсий сатира

karimov_rahmonОқсарой ҳангомалари

6. Юзлашиш

Ташқи ишлар вазири “Катта”нинг ҳузурига кирди׃

-Ўзингиз бош бўлсангизда, ҳаммамиз йиғилишиб “Шанхай”нинг Душанбе йиғилишига борсак. Ўзингиз тожикона ош зўр бўлади, дердингиз.

-Сиз ўтган ой у ерга борганингизда ошхўрлик оби-тобида бўлганга ўхшайди,- “Катта” муғомбирона кулимсиради. Уни обдон “ҳазм қилиб” юборган Комилов׃

-Ҳа… Ош тортган бир қария “Худонинг кароматини қаранг, сизларга Ислому Каримни, бизларга Имому Раҳмонни берган. Агар улар юзлашсалар икки халқнинг ҳам бахти” деди.

-Роғун нима бўлади?

-Жаҳон банки Роғунга рухсат берди ҳисоб. Қурса қураверсин… Барибир пули етмайди. Унгача ё эшак ўлади, ё Афанди, деган гапингиз бор-ку?! Энди бошқалар ҳам келиб эшакка миниб олгунча ўзингиз халачўпни қўлга олсангизми, дегандим. Бунинг устига олти йил бўлди бормаганингизга. Биргалашиб ўтиб келсак, улуғ иш бўлардида. Имомнинг ўзи чиқиб, сизга қуллуқ қиларди.

-Лекин оёғим тортмайроқ турибди. Шу Раҳмон билан юзлашига тоқатим йўқ,-деди “Катта” худди нозлангандек.

Комилов бўш келмади׃

-Оқсоқол, барибир бир-кунмас бир кун Раҳмон билан юзлашишга тўғри келиб қолади. Манимча ҳозир энг қулай пайти…

Жаҳонгир Муҳаммад.

Advertisements

About TURONZAMIN

supporter of democracy
This entry was posted in 1.BOSH SAHIFA and tagged . Bookmark the permalink.