Оқсарой ҳангомалари

ia3.JPG1.Жон ва жой

”Катта” ёнида ўтирган муфтига савол отди׃

-Сиз ҳам мени дуо қиласизми?

-Тақсир, сизни дуо қилмасам кимни дуо қиламан,-деди муфти овозининг пардасини тушириб.

-У ҳолда нега бу гапни бунчалик секин, пичирлаб айтаяпсиз?

-Тақсир, ўзингиздан қолар гап йўқ, дуо тилда эмас, дилда бўлади. Агар биз дуо қилмаганимизда…, -муфти бирдан гапини ютиб юборди.

-Ўлардингиз демоқчимиз?- ”Катта” кескин оҳангда сўради.

-Худо сақласин, тақсир… Илоҳим сиздан олдин бизнинг жонимизни олсин, биз ўлайлик, сиз узоқ яшанг!

-Яхши… яхши… жонингизни қўяверинг, жойингизни бўшатинг!- деди ”Катта” сирли жилмайиб.

Муфти бўшаб қолган қопдек ўзини кўтаролмай қолди. Ранги учиб, қўллари қалтираб, лаблари қуриб, тили аранг айланди׃

-Тақсир, шунча хизматингизни қилдим…

-Ҳай.. ҳай… ҳали кўп хизмат қиласиз бизга,-деди ”Катта” унинг елкасига қоқиб.- Ҳозир қори ака билан ҳам гаплашиб қўймоқчиман, у кишига жой беринг демоқчийдим.

Жаҳонгир Муҳаммад.

Advertisements

About TURONZAMIN

supporter of democracy
This entry was posted in 1.BOSH SAHIFA, JM and tagged . Bookmark the permalink.