Ғафур ЙЎЛДОШЕВ

ghafurХИЗМАТЧИДАН ЎЗИНГ САҚЛА

Ўғринча телефонда гап тинглаш –
Ватанга хизмат эмиш!
Ҳамюртига айғоқчи бўлиш –
Ватанга хизмат эмиш!
Ўзинг сақла Худойим,
хизматчи бўлишдан!

Халқ мардикорга кетаяпти гурас-гурас,
Болаю-қарининг чироқсиз,
газсиз яшаётгани рост –
Бироқ, хизматчиларнинг кўзлари сўқир,
Оммага фақат ёлғонларни ўқир,
Изоҳларда фақат иғволарни тўқир.
Ўзинг сақла Худойим,
хизматчи бўлишдан! Continue reading