“Туронзамин” почтасидан

aldarkusaБир куни Баракатопгур…

ГАИ ходими Янги йил куни эрталаб бир машинани тўхтатиб, ҳужжатларини текширар экан ҳайдовчидан сўраябди:
-Байрамлар қандай ўтаябди?
-Зўр!
-Роса ичган бўлсангиз керак?
-Йўқ, оила билан кутдик, болаларни олдида ичиб бўлмайдику..
-Ўртоқлар билан саунага боргандурсизлар?
-Албатта бордик, лекин саунада ичиб бўлмайди, соғлиққа катта зарарку…
-Чойхонада улфатчилик қилгандурсиз?
-Ха, бир-икки хожиакалар билан ош едик, лекин улар олдида ичиб бўлмайдику…
– Қани пуфлаб кўрингчи?
-Мархамат, пуфлаябман, кўрдингизми, ичмадим деябманку.
-Шу ҳам “зўр байрам қилиш” бўлдими, “Янги йил” увол, – дермиш ГАИ ходими хужжатларни ҳайдовчига қайтара туриб.

ХХХ

Баракатопгурни хотини кечқурун ишдан келса, уйда ҳеч ким йўқ эмиш, столда эса “Мен фаоллар йиғилишидаман, сўнг сайловчилар билан учрашиб, уйга кеч қайтаман”, – деб ёзилган хат ётганмиш.
-Қизиқ, буни ким ёзди экан, эримми ёки қизимми?,- узоқ ўйланибди опай.

ХХХ

Наманганлик Мамажон ишлагани Россияга отланаябди. Хотини:
-Билет, хужжатларингизни олдингизми?
-Ҳа!
-Йўлга чамадон олмабсизда?
-Нима қиламан чамадонни?
-Ахир кийимларингизни солардингиз.
-Нима, яланғоч кетаманми?

ХХХ

“Ҳалқ сўзи” редактори ўз мухбиридан сўраябди:
-Сен қатнашган йиғилишда Президент нима деди?
-Арзигулик ҳеч нима гапирмади, деярлик.
-Қойил, демак Президент гаплари ҳақида яхшилаб репортаж ёз. 4 саҳифадан кам бўлмасин.

ХХХ

Баракатопгур тушида азроилни кўрибди.
-Жаннатда бир машхур сиёсатчи ўрни бўшаган, ҳоҳласанг сени номзодингни гаплашиб беришим мумкин,- дебди азроил.
-Яхши бўларди, гаплашиб менга жавобини айтасан,- маьқуллабди баракатопгур.
Эртасига тушида азроил қайтиб келибди:
-Ҳоҳлашмади у ердагилар.
-Нега?
-Сени машхур сиёсатчи эмас, машхур артист дейишаябди.

ХХХ

Гугуша доктор қабулига кира солиб, салом-аликсиз гапириб кетибди:
-Жаноб доктор, мен ҳаммасини очиқчасига айтмоқчиман сизга, биринчидан…
-Тўхтанг, тўхтанг, тўхтанг, -дебди қаршисидаги одам. Биринчидан сиз соғлиқни мустаҳкамламоқчи бўлсангиз, тунлари ухланг, у ёқ- бу ёқларда юрмасдан. Иккинчидан атир-упани бироз камроқ ишлатинг, учинчидан мен доктор эмас, адвокатман. Доктор бир қават юқорида ўтиради.

М.Мансур