Суиқасд судида

Би-би-си׃ Прокурор Обидхон қорига қарши суиқасдда Ўзбекистон МХХини айблади

Ўзбекистонлик таниқли уламо Обидхон қори Назаровга суиқасд бўйича Швециянинг Остерсунд шаҳрида кечаётган маҳкама ниҳоий палласига кирган. Прокурор тақдим этилган фактлар ҳужум ўзбек хавфсизлик хизматлари топшириғи билан амалга оширилганига ҳеч қандай шубҳа қолдирмаслигини айтган. ׃

“Биз тақдим этган фактлар ҳужум тузум танқид қилинганлиги учун содир этилганлиги ва унинг ўзбек хавфсизлик хизматлари топшириғи билан амалга оширилганига ҳеч қандай шубҳа қолдирмайди. Бу фактлар ҳодисадан кейин тўпланган қўшимча маълумотлар билан тўлдирилган. Аниқки, (Ўзбекистон) хавфсизлик хизматлари уни (Обидхон Назаровни) йирик хавф сифатида кўрган”, деб айтган прокурор. Continue reading

Сиёсий сатира: Нофизийдан нома(89)

ОТБОЙНИК

Амриқодан ватанга қайтиш олдида азгина “кўки”дан карманга солмоқчи бўлдим. Нью Йоркда йигитлар:
-Ака “стройбайт”да ишлаш қўлийиздан келса, юринг, ишдан кейин “кўки”ни ярақлатиб -жарақлатиб нақд санаб беради,-деб қолишди.
Ўлибманми, бормай? Болалигимда ҳовлимизни пахса билан ўраганда мен ҳам лой тепгандим. Ўшанда “тепишга уста экансан”, деб устанинг ўзи мақтаганди. Шуни эслаб йигитларнинг қулоғига тепдим:
“Либой иш бўлса бажараман, энг катта устадан оқ фотиҳа оганман!”
Йигитлар “Ошин булвар”да тўпланиб турар экан, “Кони айланд” деган томондан биттаси “маршрутни такси”да келиб, териб оларкан.
-Братан, янги келдингизми, Самарқандданмисиз?
-Йў.. Тошканданман. Continue reading

Шавкат Муҳаммад

Ақлни республика ривожи учун ишлатмаса, демак халқ душмани у

Каримовчилар фикри:

Каримов тинчликни сақлаб турибди. Аҳоли сони жуда кўпайиб кетяпти демак халқнинг эҳтиёжи кундан кунга ортиб бораяпти, бу шароитда бирор иш қилиш жуда қийин.

Менинг фикрим:
Мен сиёсатчи ёки иқтисодчи эмасман.Оддий қурувчиман. Барчага маълум маълумотларни айтмоқчиман холос.
Жанубий Корея майдони 99392 км2,аҳолиси 50 млн.
Япония майдони 377944 км2, аҳолиси 126 млн.
Ўзбекистонники эса 448900 км2, аҳоли сони салкам 30 млн.
Уч мисол. Continue reading

Сиёсий сатира: Нофизийдан нома(88)

Оқ теракми, кўк терак?

Илтимос, сиёсат, дин ва севги ҳақида ёзишимни кутманг ҳам, ёз деб қўлимдан тутманг ҳам. Ақли михлар-машойихлар нима деган? Бу учта масалада оғзингни йирма, бекорга гапирма, баҳсга кирма, жунингни қий, тилингни тий! Агар кўрпани сирсанг, баҳсга кирсанг, онангни Пучқўрғондан, отангни Кучқўрғондан кўрсатишади. Хўш, оқ теракми, кўк терак, биздан сизга нима керак?

Ақли михлар-машойихлар аввал кавоб топишган, кейин биргалашиб бунга жавоб топишган.
1.Сиёсатга қарши бош кўтармайсан, ош кўтарасан, фақат бўйинсунасан.
2.Дин ҳақида гап очилса, таппа гунгсан, латта мунгсан, фақат эшитасан.
3.Севги масаласида ими-жимида ҳаракат қиласан, бўлмаса улоқни қулоқ олиб кетади.

Бу минг йиллик гап. Билмаган одамнинг ўзи йўқ, Ўзбекларнинг орасида. Четда билишмас экан. Амриқода кўзларим тинг бўлиб кўрдим, қулоқларим динг бўлиб эшиттим, дин ҳақида баҳслашавериб ҳаммаси диндорга айланиб кетибди.

Сиёсат ҳатто ҳожатхонадаги, эсингиздами, мактаб ҳожатхонасининг деворига ёзилади-ку, ўша ёзувларнинг бош мавзуси. Ҳамма сўкар, ҳамма бирдан чўкар экан, аввал ўй сурар, кейин бўйинсунар экан. Continue reading

Шавкат Муҳаммад

Элбошиларга эс берсин

Нур аканинг ҳам туғилган кунини эсон омон ўтказиб олдик. Бутун Қозоғистонга қўшилиб мен ҳам тўйладим. Туғилган кунни нишонлашни жума куни бошлаб, душанбагача ўйнаб кулдик.

Аммо мен қаттиқ сийладим Нур акани, пайшанба куниёқ бошлавордим тўйлашни, чоршанбада хотин зўрға тўхтатиб қолди.

Тўғрида, мен сийламай ким сийласин, “Назарбоевга куёв” деган номим бор (Қозоғистонлик қизга уйланганман-да).

Нур акангни халқ чексиз севади, телбаларча севади, эс ҳушини йўқотгунча севади.

Қайга борсанг Нурмагазинда харидингни, Нуркафеда обедингни, Нурмасжидда ибодатингни қиласан. Нуравтодан машинани ижарага олиб, Нуркўчаларни кезасан. Кечки салқинда Нурпаркда Нур акангнинг ҳайкали ёнида суратга тушасан. Яқин орада бу кетиш бўлса, пивога тўйволиб, Нурҳожатгаям борса керак одамлар. Continue reading

Шавкат Муҳаммад

Қоровултепадаги полядан якка дарахтдаги поляни айирса неча гектар қолади?

Синфдош иккимиз ўйинга берилиб кетиб қўйларни йўқотиб қўйдик. Саратонда саргардон бўлиб, сасиб кетгунча изладик.. Тополмадик. Қирнинг ортида қўй боқиб юрган Абдилла писмиқ қўйларимизни кўрганини айтди. Агар қишлоққа бориб нос олиб келсак қўйларнинг қаёққа кетганини айтаман деди.

Ноилож айтганини ўринладик. Носни тилининг остига ташлаб эшакнинг жандасини остига солиб чўзилгач, қўйларинг еттинчи қирнинг орқасига ўтиб кетди деди. Continue reading

Сиёсий сатира: Нофизийдан нома(87)

ТЎФОН

Ниагарадан эшакдай ҳориб-сориб қайтарканмиз, ошнам бир дўстиникига бошлади. Тавба қилдим, эшак десам, эшакка йўлиқдим. Эшикнинг бир томонига эшак, иккинчи томонига филнинг сурати илиб қўйилган. Ошнамнинг ошнаси бизни қарши оларкан, эшакка тикилиб қолганимни кўриб, “ҳм” дегандай бош силкитди. Нимадир демоқчи эди, аммо каминангиз ёдимга тушган битта латифани айта бошлади. Айтиб олсам, айтиб олдим. Бўлмаса эсдан чиқиб қолади. Эс халтанинг оғзи очилдими, олтинни олишим керак. Акс ҳолда нинанинг думига айланади. Тополмай юраман..

Ошнамга “Таржима қил”, дедимда латифани қўйиб юбордим:
Бир киши эшакни халачўплаб келаётса, йўлда миршаб тўхтатибди.
“Дакуметингиз?”
“Деҳқонман, манда докунет нима қилади?”
“Биринчидан, докунет эмас, дакумет, иккинчидан, дакумет бўлмаса, жаримани кимга ёзаман, эшакками?”
“Ука, қўйинг шуни эшакка эмас, менга ёзинг, эшак ҳали ёш”
“Бу нима деганингиз?” Continue reading