Posted on 11/30/2011 by TURONZAMIN
Ассалому алайкум!
“Туронзамин”ни янги кўриниши гўзал, ўзига хос чиқибди.
Маъқул кўрсаларингиз сайтда эълон қиларсизлар деган ниятда, янги қўлёзмалардан биринчисини жўнатаяпман.
Ишларингизга омадлар ва соғлик-омонлик тилайман! Ғафур ЙЎЛДОШЕВ.
Қ А С О С
(“Қўйнингда илонлар уйғонгин болам” туркумидан 1-ҳикоя)
Юзингдан нур тилаб кетди гадолар,
Пойингга тиз чўкди не-не худолар.
Мен қай куни бўлдим, сендан жудолар,
Икки дарё аро тўлғонгин болам,
Қўйнингда илонлар уйғонгин болам.
Дадахон ҲАСАН қўшиғидан Continue reading →
Filed under: 1.BOSH SAHIFA | Leave a comment »
Posted on 11/30/2011 by TURONZAMIN
“Қувғин”, 2-китоб, (тарихий роман)
29.УЧРАШУВ
Каттақўрғондаги сайловолди учрашуви бир колхознинг клубида бўлди. Каримовдан олдин сўзга чиққанлар унинг ўзи ҳам билмаган хислатлари ҳақида гапиришди. Кейин ўрта ёшлардаги бир киши минбарга югуриб чиқди.
-Мен ўқитувчиман, -деди у. -Айни пайтда “Бирлик” Халқ ҳаракатининг аъзосиман. Лекин бизнинг номзодни рўйхатга олишмади. Биз мустақиллик, демократия ва ошкоралик тарафдоримиз. Мажлисларимиз қонун чарчавасида ўтгани ҳолда бизни рўйхатга олишмагани қаршимизда мустақиллик, демократия ва озодлик душманлари турганини кўрсатади…
-Нима гап? -дея Каримов вилоят биринчиси Пўлат Абдураҳмоновга юзланди. Continue reading →
Filed under: 1.BOSH SAHIFA, Қувғин | Leave a comment »
Posted on 11/29/2011 by TURONZAMIN
ЯНГИ МЕТОД
Дўст-душманни аниқлаб олишнинг янги йўлини топдим, бу айниқса уродлива дўстларни аниқлашда қўл келади. Агар желудка оч бўлса, бу гапга қулоқ солманг, буни эшитиш учун қорин тўққиз, кайф ҳўккиз бўлиши шарт.
Демак бошладик. Маҳалламиздан бир нарт чиқиб қолди, янги сиёсатчи, аслида эски, лекин қамоқдан келганидан кейин янгида. Унинг насоқлари кўпчиликнинг жонига теккан бўлсада, қамалиб келгани учун ҳурматим бор эди, чойга чақириб турардим.
Бир куни унга Тоҳир Гумбаз ҳақида гапирдим. Ўсироққа баҳона деганларидек, унинг оғзидан Тоҳир тушмай қолди, у ҳақда сўрайверди, сўрайверди… Наҳра бу гапни унга айтдим деб ўйлаб қолдим, ваҳима босди, балки бу қуда томонга ишласачи? Ҳе, йўқ, ҳаммани сотса ҳам мени сотмас? Continue reading →
Filed under: 1.BOSH SAHIFA, Nofiziy | Leave a comment »
Posted on 11/29/2011 by TURONZAMIN
“Қувғин” ҳақидаги саволларга жавоблар
“Қувғин” тарихий романининг қисман янги таҳрирдаги нашридан (Китобнинг бу 2011 йилги нашрини тўлалигича jahonnoma.com сайтида ўқиш мумкин) кейин бир қанча ўқувчилардан мактублар олдим ва уларнинг баъзиларига қуйида жавоб бермоқчиман, қолганларига ҳам келгусида тўхталиш ниятим бор.
САВОЛ: “Қувғин”даги Миртемир ўзингиз бўлсангиз керак. Нега уни бунча мақтаб юборгансиз, яъни ўзингиз ўзингизни?(Нодирбек Латипов).
ЖАВОБ: Аввало шуни айтишим керакки, “Қувғин”да бадиий романчиликдаги ижобий ва салбий қаҳрамон деган эски усул асосида йўлга чиқилган. Бундан 17 йил олдин бугунги қарашларимда бўлганимда бошқача йўл тутган бўлардим. Continue reading →
Filed under: 1.BOSH SAHIFA, Қувғин | Leave a comment »
Posted on 11/29/2011 by TURONZAMIN
И не надо забыват, что братоубийство узбека и таджика отвечает интересам известных кругов
Уважаемым президентам Узбекистана Исламу Каримову и Таджикистана – Имомали Рахмону необходимо и немедленно придется встретиться. Ради мира, дружбы, уважения и для будущего своих народов надо забыть все обиды, разочарования и протянуть руки друг-другу. Нынешние обстоятельства диктуют необходимость такого доброжелательного шага. Встретившись за круглом столом, они во первых, должны обсудить вопрос прекрашения информационной войны между двумя странами.
Да, очень важных вопросов накопились немало. Проблемы строительства Рагунской ГЭС, отмены визового режима, очистки границ от оставшихся мин, конечно, торгово-экономических соглашений, вечной дружбы и других немаловажных вопросов ждут своего положительного решения. Continue reading →
Filed under: 1.BOSH SAHIFA, 3.RUSSKIY | Leave a comment »
Posted on 11/28/2011 by TURONZAMIN
“Қувғин”, 2-китоб, (тарихий роман)
28. НОМЗОД
Каримов зиёфатдан кеч қайтди. Вақтини беҳуда ишга сарфлаган одамдек ётган жойида узоқ тўлғанди. Ичкилик-у егуликнинг сероблигидан ўз насибини олган Каримов бу юкнинг оғирлигидан бўлса керак кўзи юмилиши билан туш кўра бошлади.
…Баланд тоғ. Теппада икки қоя, иккиси ҳам қиличга ўхшайди. Қояларнинг устида икки махлуқ.
Бирининг тўрт оёғи, олти қўли, бир қанча қаноти бор.
Иккинчисининг эса бир қўли, бир оёғи, бир кўзи бор.
Каримов ўртада муаллақ. Махлуқлар унга ашула айттиришаяпти. Маҳаллий тилда ашула билмайман, деса ҳам “Айтасан, акс ҳолда пастдаги балчиққа отиб юборамиз” деб пўписа қилишарди. У эса билмагани учун мажбуран русча айтарди. Махлуқлардан бири ашуласидан безди, шекилли, уни отиб юборганди, иккинчиси ушлаб олди. Махлуқ пешонасининг терини артаман деганди, кафтидаги кичкина қиличлар Каримовнинг юзини қириб юборди. Continue reading →
Filed under: 1.BOSH SAHIFA, Қувғин | Leave a comment »
Posted on 11/28/2011 by TURONZAMIN
АҚШ қўшинларини Афғонистондан олиб чиқишда Ўзбекистоннинг роли
Қирғизистон Марказий Осиёнинг бошқа мамлакатларидан бир жиҳати билан фарқ қилади. Бу мамлакатда ҳам Америка ва ҳам Россия ҳарбий базалари жойлашган.
Яқинда президент этиб сайланган Алмазбек Атамбаев Америка ҳарбий базасини беркитишга ваъда берди.
Бу – Афғонистондан чиқиб кетишга тайёргарлик кўраётган Қўшма Штатлар учун нохуш хабар.
Исломобод ва Вашингтон ўртасидаги алоқалар ёмонлашиши ортидан Покистон ҳудуди орқали ўтган АҚШ таъминот йўли узилиб қолди.
Ҳозирда Қўшма Штатларнинг Марказий Осиёга ҳар қачонгидан ҳам кўпроқ эҳтиёжи бор.
Қирғизистондан Наталя Антелаванинг хабар беришича, Қўшма Штатларга қийин дипломатик қарорларни олиш керак бўлади. Continue reading →
Filed under: 1.BOSH SAHIFA, Uzbek | Leave a comment »
Posted on 11/27/2011 by TURONZAMIN
“Қувғин”, 2-китоб, (тарихий роман)
27. “СУЛАЙМОН”
Сессия Каримов ўйлаганидан ҳам “самаралироқ” ўтди. Сессиядан чиққан Каримов анҳор соҳили бўйлаб иш хонасига бораркан, Қизил майдонга машина киришининг ким таъқиқлаган экан деб ўйлади. Наҳотки Московда ҳам “Катта”лар пиёда юришса? Йўқ, аксинча улар қора Волгаларда Қизил майдондан саф тортиб ўтишни яхши кўришади. Улардан менинг қаерим кам? Мен ҳам бир жумҳуриятнинг отасиман. Нега энди пиёда юришим керак? Йўқ, бу тартиб мен учун эмас. Бунга бошқалар риоя қилишсин. Лекин ҳар доим сессия мана бу концерт залида ёки Олий кенгашда ўтиши шартми? Буни ҳам ҳал қиламиз. Сессия мажлисларини ўзим ишлаган бинода ўтказаман.
-Ассалому-алайкум,-қарши томондан келаётган бир кишининг товуши Каримовнинг хаёлларини бўлди. У алик олишга оғиз жуфтлаганди қаршисидаги киши тўхтамай гапини давом эттирди. Continue reading →
Filed under: 1.BOSH SAHIFA, Қувғин | Leave a comment »
Posted on 11/26/2011 by TURONZAMIN
Ўзбекистондан келаётган хабарларга кўра, жиззахлик мустақил журналист Жамшид Каримов Самарқанддаги махсус руҳий шифохонадан озод қилинган.
Жамшид Каримов 2005 йил сентябрида ҳибсга олинган ва кейинроқ маҳкама унга нисбатан олти ойлик мажбурий руҳий муолажа ҳақида қарор чиқарган.
Халқаро ташкилотлар Британиядаги Уруш ва тинчликни ёритиш институти билан ҳамкорлик қилиб келган журналистнинг танқидий мақолалари учун жазоланганини айтишади.
Жиззахлик инсон ҳуқуқлари фаоли Бахтиёр Ҳамроевнинг Би-би-сига айтишича, Жамшид Каримовнинг озод этилгани ҳақидаги илк хабар Қурбон Ҳайити куни пайдо бўлган.
“Жамшиднинг озод қилингани ҳақида 6 кишидан эшитдим, шуларнинг 5 нафари ишончли одамлар, жумладан, бизнинг бир фаолимиз”, -дейди Бахтиёр Ҳамроев. Continue reading →
Filed under: 1.BOSH SAHIFA, Uzbek | Leave a comment »
Ассалому алайкум!
TURONZAMIN 