Ўзбекнинг номига доғ тушираётганлар

Автоматик ўт очар қуроли сотиб олаëтган пайтида қамоққа олинди

26 июл куни АҚШ федерал маҳкамаси ўзбекистонлик Улуғбек Қодировга 7 бандлик расмий айблов эълон қилди.

Сешанба куни АҚШ нинг Алабама штати Бермингем шаҳрида маслаҳатчилар иштирокида ўтказилган маҳкама жараëнида Ўзбекистон фуқаросига нисбатан расмий айблов эълон қилинди.

Ўзбекистонлик 21 яшар Улуғбек Қодиров 9, 10, 11 ва 13 июл кунлари АҚШ президенти ҳаëтига таҳдид қилиш билан боғлиқ тўрт жиноятда¸ шунингдек ўточар қуролига эга ноқонуний муҳожирлик¸ ноқонуний равишда тўла автоматик қуролга эгалик қилиш¸ ҳамда қайддан ўтмаган гранатага эга бўлишлик каби жами етти жиноятда айбланди.

АҚШ прокурори Joyce White Vance томонидан ўқиб эшиттирилган расмий айбловга кўра¸ АҚШ федерал ва маҳаллий ҳуқуқни муҳофаза қилиш идоралари президентга нисбатан таҳдидни бартараф қилиш жараëнини самарали мувофиқлаштирганлари натижасида Қодиров ҳибсга олинган.

Ихтиëрида гранаталар ва М15 русумидаги автоматик қурол бўлган Қодиров бир неча бор АҚШ президентини ўлдириш билан таҳдид қилган.

“Мен Федерал тергов бюроси¸ Махфий хизмат¸ Муҳожират ва Божхона идораси¸ Алкогол¸ тамаки¸ ўточар қуроллар ва портловчи моддалар билан ишлаш бюроси¸ Лидс ва Пелҳам полиция бўлинмалари¸ Шелби район шерифи идораси ва Алабама шимолий ҳудудларидаги террорчиликка қарши қўшма махсус комиссия аъзоларининг қойилмақом ишига юксак баҳо бераман”¸ деган 26 июл кунги маҳкамада прокурор Ванс хоним.

АҚШ махсус хизматлари биргаликда амалга оширган махфий амалиëт натижасида қўлга олингани айтилаëтган Улуғбек Қодиров 2009 йилнинг июн ойида студент визаси билан Америкага келган. Маҳкамага тақдим этилган ҳужжатларга кўра¸ АҚШда бирор бир мактабга ўқишга жойлаша олмагач¸ 2010 йилнинг 1 апрел куни Қодировнинг студент визаси бекор қилинган.

Пелҳам шаҳридаги мотелда яшаб келган Қодиров 13 июл куни Лид шаҳридаги мотеллардан бирида АҚШ махфий хизмати жосусидан автомат сотиб олаëтган пайтида қамоққа олинган.

Ҳозирча Қодировнинг қачон¸ қаерда¸ қай шаклда АҚШ президенти Барак Обамага таҳдид қилганига оид маълумот жамоатчиликка эълон қилингани йўқ.

Агар ўзига қўйилаëтган айблар тасдиғини топса¸ ўзбекистонлик ноқонуний муҳожир президент ҳаëтига таҳдид қилиш билан боғлиқ тўрт банднинг ҳар бири учун 5 йилдан¸ ноқонуний қуролга эгалик бўйича қўйилаëтган учала банднинг ҳар бири учун 10 йилдан¸ жами 50 йилгача қамоқ жазосига ҳукм этилиши мумкин.

Ҳозирча Улуғбек Қодировга адвокатлик хизмати кўрсатилаëтганига оид ҳам маълумот йўқ.

26 июл куни маслаҳатчилар иштирокидаги маҳкамада Қодировга фақат расмий айблов эълон қилинди. АҚШ матбуотининг жамоатчиликка таъкидлашича¸ прокурорлар бу айбларни тасдиқловчи далил-исботни маҳкамага тақдим қилмагунига қадар¸ айбсизлик презумпциясига кўра Улуғбек Қодиров айбсиз саналади.(Озодлик).

2 Responses

  1. Hoy, qo’yasanlarmi tinch yashashga yo yo’qmi?! Jonga tegib kettilaring-ku, baloga yo’liqqanlar! Na o’zlaring yashaysanlar, na boshqalarni qo’yasanlar! Bu nima degani-a! Kim sizlarga qo’yibti Allohning ishiga aralashishga, ha?! Alloh o’zi jon bergan o’zi istaganidan oladi shu jonni, sanga kim qo’yibti, ha?!
    Hamma chetga ketgan bolalarimizni sanga o’zshaganlar tahlikaga qo’yaptiku! Tinch noningni topib yeb yurmaysanmi?!

    Kimki qo’liga qurol olgan ekan har biri do’zaxning tubida azoblarda qiynalib yotadi, shuni bilmaysanlarmi?! Kimni gapiga kirib qupol sotib olding, san ahmoq. Mana shu mamalakatlar bo’lmasa, O’zbek ochindan o’ladi-ku!

    ILTIMOS, MANA SHU YOZGANIMNI QO”YIB QO”YING. MANA SHU KALLASI AYNIGAN BOLALAR O”QIB TUSHINIB YETSIN!
    O’zbekning onasi.

  2. Haqiqatdan ham o’zi bizga nima kerak? shuni tushunmay qoldim. Axir bu bola Amerikada bo’lsa, Amerikada demokratiya bo’lsa, so’z erkinligi bo’lsa, ish bo’lsa, yana ota-onasiga uch -to’rt so’m, yo’g’e dollar -ko’kidan yuborib turgan bo’lsa…. Man hech narsaga tushunolmay yotibman…. Ana shular uchun man uch yildan bu yoniga elchixonadan viza olomayapman. Rostini aytsam, mana shu boladan hozir shunchalar nafrat qilyapman-ki, agar qo’limga tushsa o’zim bilardim nima qilishimni…
    Qaisidir guruhlarga qo’shilib bizlarni yo’llarimizni berkitib tashlayapti mana shunaqa ahmoqlar…. :(

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: