ЖАҲОНГИР МУҲАММАД׃ Кураш

Навбатда турасан
туғилмоқ учун.
Навбатда турасан
сўнг, ўлмоқ учун.
Бу дунё, у дунё
навбат қашқари.
Эл деб курашмоқ
Навбатдан ташқари.

22 Ноябр, 1989 йил.

***

Жоним берайин десам,
Жоним ширин.
Кўксим ёрайин десам,
Юрак яширин.
Кўзим берайин десам,
Кўр юролмайман.
Сўзим берайин десам,
Қул бўлолмайман.

29 Ноябр, 1989 йил.

***

”Шайтон қўшиқлари” туркумидан

ЖИМ ЮР!

Бойлик муродинг экан-
Жим юр!
Мансаб дил ёдинг экан-
Жим юр!

Жим юр-
Очлик, хасталик билан.
Жим юр-
Дунё асталик билан.

Жим юр-
Алдасалар тинимсиз,
Жим юр-
Бошпанасиз, қўнимсиз.

Жим юр-
Чиқма бошлиқ измидан.
Жим юр-
Раиятнинг изидан.

Жим юр-
Юртни талаб кетсалар.
Жим юр-
Орқангга гар тепсалар.

Жим юр-
Ўғлинг Афғонда ўлса,
Жим юр-
Боланг болангни сўйса.

Жим юр-
Иллатингдан сўйлама.
Жим юр-
Миллатингни ўйлама.

Жим юр-
Сeнга Ватан даркормас,
Жим юр-
Бу элда сен саркормас.

Жим юр-
Дўстинг арзон сотилса.
Жим юр-
Эл деганлар отилса.

Жим юр-
Жим юрмасанг ўласан,
Жим юр-
Шунда подшоҳ бўласан!

16 Январь, 1991 йил.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: