Жаҳонгир Маматов: Савол…Жавоб…

jm11thumbnail.jpgЎН САВОЛГА ЎН ЖАВОБ

САВОЛ: Бу кетишда биз демократияга қандай етишамиз?(Комрон).
ЖАВОБ: Демократия тоғ эмаски, унга етишсангиз. Демократия қонда, жонда, тарбияда, шуурда бўлиши керак.
ХХХ
САВОЛ: Ўзбекистоннинг келажаги мавҳум деган экансиз, наҳотки сиз ҳам унинг келажагини кўра олмаяпсиз?(Саъдуллла).
ЖАВОБ: Кўра олмасам ҳам тахмин қила олганим учун айтаман, Каримовнинг “хосияти” туфайли Ўзбекистоннинг “буюк” келажаги қамоқхоналарда етишмоқда.
ХХХ
САВОЛ: Халқни сўкаверган билан бир нарса ўзгарадими? (Нозим).
ЖАВОБ: Сўкиб ҳатто болангизни одам қилолмайсиз!
ХХХ
САВОЛ: Нега ташқарига чиққандан кейингина қаҳрамон бўламиз?(Аслам).
ЖАВОБ: Ўрмондан узоқлашса, қуён ҳам ўзини арслон санайди. Бу табиат қонуни.
ХХХ
САВОЛ: Ватанга ёрдам қилмоқчиман, нима қилишим керак?( Ўткир).
ЖАВОБ: Ватаннинг ҳавосидан нафас олинг!
ХХХ
САВОЛ: Нега Алишер Соипов ҳақида ёзмаяпсизлар?(Шуҳрат).
ЖАВОБ: Қўлимизда бу воқеа ҳақида турли-туман версиялар таҳлил этилган ўнга яқин мақола тўпланди. Уларни эълон қилиш турли баҳслар ва ички жанжалларга бошлайди. Шуларни назарда тутиб, ДЎК бошқарув ҳайъати тергов натижаларини кутишга қарор қилди.
ХХХ
САВОЛ: Ўзбек пахтасини бойкот қилиш масаласига қандай қарайсиз?(Аҳмад).
ЖАВОБ: Агар дунё иқтисодий мафия манфаатига зид одим ота билганда, Африканинг ажалига айланган, ҳатто ҳақида ўнлаб филмлар яратилган олмосни бойкот қиларди!
ХХХ
САВОЛ: Ўзбек пахтасини бойкот қилиш масаласида сизлар ҳам нега жар солмаяпсизлар?(Исмсиз).
ЖАВОБ: Бундай ҳарaкатларни шов-шувларсиз қилиш керак! Чунки натижа чиқиши мушкул. Аммо диктатура матбуоти “Хоинларимиз оқ-олтинимизни бойкот қилишга чақирмоқда” деб ёза бошлади. Бу эса деҳқоннинг сўнги тийинини ҳам бермасликка баҳона!
ХХХ
САВОЛ: Мухолифат битдими?(Абдураҳмон).
ЖАВОБ: Агар ота-онаси топилса, янги мухолифат туғилади.
ХХХ
САВОЛ: Балки сайловдан кейин Каримов юмшаб қолар ва четдаги мухолифларга мамлакатга қайтиб, сиёсий фаолият қилишга йўл берар? (Шавкат).
ЖАВОБ: Каримовдан нажот кутиш, ҳўкиздан сут кутишдир! Кимдир бунга ҳам ишонади! Ишонч эркинлиги!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: