She’riyat

ТОШ МАРД

Тош мард
Осмон азоблари остида қолиб
Айланиб кетмайди уфоққа.
Сен эса,
Сен эса номард,
Қорин ташвишлари дастидан нолиб,
Қоришиб кетасан туфроққа.

ЁМОН

Нега кулолмайсан, суюкли юртим,
Кўксингни вулқонлар ёқарми
Ҳамон?
Нега қаддинг эгик Алпомиш бўрким,
Елкангни алдовлар босарми,
Ёмон?

Ёмон, ёлғонларга айланса япроқ,
Ёмон
Адолатга ҳеч қонолмасанг.
Юрагингда зилзила, титроқ,
Ёмон
Мудрайверсанг, уйғонолмасанг!

КУТИШ

Кутасан
Нонга кетган отангни кутасан
Кут-а…
Кут!
Ютасан
Қотган ноннни чайнамай ютасан,
Юта …
Ют!
Кутиш дунёнинг эри,
Ютиш- ўйнаши,
Сен эса ўгай боласан.

СОЧЛАРИМ ТЎКИЛДИ

Сочларим тўкилди,
Заминга қадaлди игналар.
Юрагим сўкилди
Оғриқдан момо ер ингранар.

Чарчамай тепаман
Оёғим остида кўзимни.
Сўнг уруғ сепаман,
Ўриб олмоқ учун ўзимни.

КЎТАРИБ ТОБУТИМНИ

Йўлда ташлаб қочдилар,
Ўғирлаб дул отимни.
Саҳро узра сочдилар
Орзуи собитимни.

Бугун аҳли садоқат-
Элнинг кўзи уларда,
Дўстликдан сўз очдилар,
Кўтариб тобутимни.

КЕТАСАН

Кетасан
Сўппайиб қолади уйинг
Парвосига келмас шаҳарнинг
Ётаверади,
Парвосига келмас саҳарнинг
Отаверади…

ЖАҲОНГИР МУҲАММАД

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: