TURONZAMIN

МХХ ва хориждаги Мухолифат

Жалолиддин, Тошкент

Яқинларидан бири МХХда ишлаган ва мухолифатга самимият билан қараб юрган журналист дўстимнинг айтишича, Ўзбекистон Россиядан кишиларни заҳарлашда қўлланиладиган бир қанча химикатлар сотиб олган. Бу аллақачон қўлланишга ҳам қўйилган.

Йўқотилиши керак бўлганларнинг иккита рўхати бор эмиш. Биттаси Каримов оиласи томонидан номи айтилганлар ва иккинчиси МХХнинг ўзига ёқмаганлар. Бу борада Россия билан ҳамкорлик қилинаётган экан. Ҳатто Англияда собиқ КГБ ходими Латвиенкони заҳарлашда МХХ ходими тажриба сифатида қўлланилгани айтилмоқда.

Россиянинг ташқи “душман”ларини битта–битта йўқотиш ҳақида қонун қабул қилгани ва “Ўзбекистоннинг душмани бизнинг душманимиз” деган шартнома имзолангани асосида иш кўрилаётган экан.

Суҳбатдошим МХХнинг ичида бунга норози бўлганлар ҳам борлигидан чўчиб, кўпроқ Москвага “ставка” қилинаётганини айтади.

Албатта бу шамол “шир” этса юраги “пир” этадиганларни қўрқитиш учун махсус етказилган “хабар” ҳам бўлиши мумкин. Лекин шамол бўлмаса, дарахтнинг шохи қимирламайди.

Шундан келиб чиқиб, мамлакат ташқарисида яшаётган мухолифат вакиллари ўз хавфсизликлари ҳақида ҳам ўйлашлари, бу борада тадбирлар кўришлари керак. Бўлингани бўри ер, деганларидек бўлинмасдан,  бирлашган ҳолда, куч бўлиб, Худо кўрсатмасин, ҳатто бир жойда нохуш воқеа юз берса, кўплашиб бундай ҳолларга қарши туришлари лозим.

Биздан эшитганимизни айтиб қўйиш, сиздан эса хулоса қилиш.

Filed under: 1.BOSH SAHIFA, Uzbek |