Jahongir Muhammad: Karimovning kashfiyotlari(turkum-1)

1.“МАЧЧОЙИ”ЛАР

Тожикистонда бир гуруҳ Ўзбек мардикорлари қўлга олиниб, ғайриқоний муҳожирлар сифатида Ўзбекистонга депортатсия қилинди.( Хабарлар оқимидан).

Болалигимда “маччойи” деган сўзни кўп эшитардим.

“Маччойи келибди, ўтин ёрмоқда!”

“Маччойи келибди, ҳожатхона учун чуқур қазимоқда!”

“Маччойи келибди, ғишт тўкмоқда!”

Мардикорни “маччойи” деганларига эътибор қилмасдим. Чунки у пайтда мардикор деганини ҳам унчалик тушунмас эдим-да. Раҳматли бувим жуда раҳмдил аёл эдилар. Бир бурда нон қолса ҳам буни “маччойига берамиз” деб олиб қўярдилар. Эски кийимлар, ишлатилган идиш товоқларни ҳам маччойи олиб, бошини эгиб, раҳмат айтиб кетарди.

-Бечораларнинг иши йўқ, йўлига қараган қанча бола-чақаси бор, ўйинг куйгур Москоп шуларга ҳам иш берса бўлади-ку! Биз тутган пиллани улар тута олмайдиларми?!- деб бувим ачинар эдилар.

Шундан менинг кўз олдимда маччойи дегани ўта ғариб, бир бурда қотган нонга ҳам зор одам бўлиб қолган.

Кейинчалик билдим-ки, асосан Тожикистоннинг Масчоҳ ва Панжакент минтақаларидан келган кишилар Самарқандда мардикорлик қилишар экан. Шундан мардикор калимаси “маччойи”га айланган экан.

Мана энди Каримов ўзбекларни “маччойи”га айлантирди.

%d bloggers like this: