ВАЛИАҲД – МИРЗИЁЕВ!
Кеча www. jahonnoma.com сайтида Жаҳонгир Муҳаммаднинг “ТАРИХНИ ТИТРАТГАН КУНЛАР” китобини қараб чиқиб, миямда айланиб турган гапнинг 2002 йил, 28 aпрелдаёқ айтилганини кўриб қолдим.
Ўшанда Жаҳонгир Муҳаммад шундай ёзган эканлар׃ “Менинг назаримда Ислом Каримов “валиаҳд” этиб уч кишини танлаган. Улардан бири Содиқ Сафоевдир. Иккинчиси Рустам Азимов. Учинчиси эса Шавкат Мирзиёевдир. Америка ва Халқаро ташкилотлар Содиқ Сафоев билан ишлашни истайдилар ва уни ислоҳотлар қилишга мойил, деб ҳисоблайдилар. Рустам Азимовга ҳам худди ана шу кўз билан қарайдилар. Лекин Каримов Шавкат Мирзиёевни танлаши мумкин”.
Ислом ота ўз валиаҳдини танлаганини очиқ-ойдин сездириб бўлди ҳам. Аввалига кечаги сайлов натижаларига қаранг. Мирзиёевнинг ЎзЛДПсига парламентдаги бошқа партияларга қараганда икки баравар кўпроқ ўрин берилди. Кутилмаганда Ислом отага бир нарса бўлиб қолса ҳам (Қаричилик, ичак узилди пайти келмоқда, айтиб бўладими…) улар Мирзиёевни тахтга кўтариш кучига эга.
Бугун парламентдаги коп-котта нутқида ҳам Ислом ота Мирзиёвни мақтаб-мақтаб яна Бош вазирликка кўрсатди. Агар Ислом отанинг кўнгли бошқада бўлганида уни жилмайтириб қўйиш учун ҳозир энг пайти эди. Демак, унинг кўнглида ётган “арслони” бу Мирзиёев.
Рустам Азим ва Содиқ Сафоевлар ҳам Ислом отанинг назарида турибдилар. Биттаси Бош вазирга биринчи ўринбосар. Иккинчиси яна сенатор этиб тайинланди – Америка ва халқаро ташкилотлар билан ишлайди.
Ўзбекистон кимларга қолиши аниқ бўлди, ҳисоб. Гулнора опам-чи дейсизми? Уни Шавкат акам истамадилар. Кўздан нарида тутишни тавсия қилгандилар Ислом ота рози бўлиб қўя қолдилар.
Хуллас, валиаҳд аниқ. Тобутни кўтарадиганлар аниқ. Келажак эса ноаниқ!
Нофизий.
Тошкент.
[...] ҳақидаги ишоратлар тўғрисида Тошкентдаги ҳамкоримиз (ВАЛИАҲД – МИРЗИЁЕВ!) ўтган ҳафта ёзган эди. Бу ҳафта эса тугундаги ип [...]