Ikki boy yoqalashar…
Tojikiston poshshosi bilan O’zbekiston poshshosi kelin-qaynonaga o’xshaydilar. El nazarida opishadilar, orqavorotda qo’pishadilar.
Internet saytlarida chop etilayotgan qator “toshotar” maqolalar Tojikiston va O’zbekiston prezidentlari hali hamon it-mushuk ekanliklarini ko’rsatadi.
Emishki, taniqli tojik tadbirkori Rahmon Rajabov O’zbekistonga chegaradan kirayotganda mashinasida 1 kilogramm geroin va horijiy valyutalar bilan qo’lga olingan.
Juda qiziq tomoni shuki bu kishi Tojikistonda taniqli tadbirkor, deputat va davlat arboblari bilan yaqin hamkorlikda ekan. Savol tug’iladi.
Mana shunday “vazn”li korchalon geroinni hech qaysi odamiga ishonmay o’zi olib keladimi? Hatto maqolada Tojikiston Davlat Xavfsizlik Qo’mitasi raisining birinchi o’rinbosarining ismi ham keltirilib uning aloqadorligiga sha’ma qilinadi.
Bu ikki prezidentlar vaqti-vaqti bilan qilib turadigan o’yinlarining navbatdagisi bo’lish ehtimoli haqiqatga yaqinroq.
Karimov dushmaniga sevimli qartasini tashlab uni “tuz”lamoqchi. Ko’ramiz, balki Imomali Rahmonov “ko’zir”ni o’yinni oxiriga olib qo’ygandir…
