“Бирлик” Партияси Поп тумани ташкилоти раҳбари Ҳайит Қўзиевнинг
БАЁНОТИ
(2007 йил январь ойининг 5 ва 6 кунлари Швециянинг Сётр шахрида ўтган йиғилиш ҳақида)
Ўзини демократ деб ҳисоблаётган одамларнинг Швециянинг Сётр шахридаги йиғилишига мен ҳам таклиф этилган эдим. Бу йиғилишда қатнашиш борасида “Бирлик” Партиясидаги биродарларимизнинг эътирозларига қарамай қатнашишга қарор қилдим. Демократик партиянинг бир фидоий аъзоси ўлароқ ўзбек халқининг кечаги , бугуни ва эртанги куни ўзгаришларига бефарқ бўлмаганим учун қатнашдим.
Лекин мени ажаблантирган нарса, йиғилиш қатнашчиларининг эътибори мухолифатни билаштиришдан кўра кўпроқ “Бирлик” Партияси ва унинг лидери Абдураҳим Пўлатнинг фаолиятига баҳо беришга қаратилганлигини очиқ ойдин эътироф этиш керак. Аслида конференциянинг номини ҳам “Абдураҳим Пўлат ҳақида” деб эълон қилсалар тўғрироқ бўларди.
Авваламбор мен бир нарсани , яъни йиғилиш иштирокчиларининг бу анжуманни ўтказишдаги сaъй-ҳаракатларини инобатга олган ҳолда, уларнинг ташкилий ишлари масаласидаги нўноқликларига прнципиал баҳо бермоқчиман.
Албатта йиғилиш иштирокчилари ва унинг ташаббускори бўлган Ҳазратқул Худойбердиевнинг эътирофи бўйича, бу йиғилишда “бирор диний ва дунёвий партия, ҳаракат аъзоси ёки аъзосимаслигидан қатъий назар, республикада демократик ўзгаришларни амалга ошириш учун республика ичидаги ва хориждаги кишиларни бирлаштириш” масаласи кўтарилиши керак эди. Лекин йиғилишнинг давомида бу қатнашчилар мухолифатни бирлаштиришни эмас, аксинча “Бирлик” рахбари Абдураҳим Пўлат фаолиятига кўроқ танқидий баҳо бериш учун тўпланганлари яққол кўринди. Кўринишидан, уларни Абдураҳим Пўлат мухолифатнинг умумий номзоди сифатида 2007 йил президентлик сайловларига кириши қўрқитарди.
Йиғилишнинг асосий мақсади мухолифат кучларини хамкорликка чақириш бўлиши керак эди, бўлмади. Ҳар қандай ташкилот шаклланишдан олдин ўз программаси ва уставининг лойиҳасини ишлаб чиқариши керак эди, бўлмади. Мен эса бу тузилаётган комитетда бу нарсаларни кўрмадим.
Бундан ташқари, ҳозиргина ўқиганим “Центразия” сайтида ёйинланган “Узбекская оппозиция объединяется в Швеции” мақоласидаги ёзилган қуруқ гапу ғаламисликларга нима дейиш мумкин. Гапим бўхтонлардан иборат бўмаслиги учун бу мақоладан иқтибосларни бераман: “Бирлашган ўзбек мухолифати аъзолари томонидан режимга қарши ишлаб чиқилган стратегия”, “Ўзбекистонда бўлаётган воқеаларни кузатиш ва бунга қарши мухолифат фаолиятини йўналтириш”, “Каримов режимига қарши куч ишлатмаслик”. Сафсата гаплар. Бирлашишни истаган одамлар бўлса, улар мухолиф партиялари ва ҳаракатларнинг сўнги пайтларда эълон қилинаётган баёнотларидан келиб чиқиб, пала-партиш гапларни эмас, конкрет масалаларни кўтариб чиқишлари керакди.
Қаранг, бир тарафдан “Каримов режимига қарши куч ишлатмаслик” деган иборани ишлатишган. Кейин эса “диктатурагани ағдариш учун ( яъни, диктатурани куч билан ағдариш ҳақида сўз кетмоқда) мухолифатни бир нуқтага бирлаштиришга ҳаракат қилишимиз керак” дейилмоқда. Бу эса юқорида айтилган “куч ишлатмаслик” принципини инкор этибгина қолмай, уларининг маъсулиятсизликларини ҳам кўрсатиб турибди.
Бунинг устига, улар яна бир бу умуммухолифат сайти яратишни гапирмоқдалар. Менимча ўзини мухолифатчи ёки мустаққил ижодкор деб атаётганлар томонидан яратилган сайтлар қаторига яна битта сайт қўшилади. Кейинчи, кейин нима бўлади. Нима бўларди, яна ўша эски тос эски ҳаммом-да!
Бу йиғинда мен таъкидлаб ўтганимдек; республикамизда демократияни амалга оширишда ўзини мухолифат дея атаётганлар ўзаро тортишувларини йиғиштиришлари билан бирга, воқеликка ҳолис баҳо беришлари керак эди. Ёлғиз А Пўлатга эмас Cалой Мадаминов/М.Солиҳга хам принципиал баҳо берсалар мақсадга мувофиқ бўлар эди. Аммо кузатишлардан шу нарса маълум бўлдики, кенгаш қатнашчилари мухолифатнинг бўлинишига асл сабабчи бўлган кишини четлаб ўтдилар. Шунинг учун ҳам мен бу йиғин иштирокчиларига ва Центразия сайти саҳифасига ўз мақоласини ёзган “ижодкорга” шу муносабатимни билдиришим керак: Мен бундай одамлар билан бирга бўлолмайман.(harakat.net).
