Жалолиддин. Тошкент. Оқсаройга яқин манбанинг берган маълумотига кўра 16 ноябр кечқурун Каримов ва қизи Гулнора орасида жуда қаттиқ жанжал бўлган.

Гап шундаки, Гулноранинг ташаббуси билан Россияда ўтаётган ўзбек санъати фестивали ҳақида Каримов Гулноранинг таклифи билан Ўзбекистонга келган рус сиёсатшуносларидан билиб қолган.

Қабулдан кейин маслаҳатчиларини тўплаган Каримов уларнинг ҳам кўп нарсадан бехабарликларини билган. У Гулнорани чақирган аммо қизи келмаган. Каримов Гулноранинг ёнига ўзи бориб уни ҳақоратлаган ва ҳатто уни мамлакатдан чиқариб юбориш билан пўписа қилган.

Гулнора эса кўпчиликнинг ҳузурида отасини ўз оиласини бузганликда айблаган.

Каримов дарҳол санъат фестифалини тўхтатишни талаб этган. Аммо Гулнора қўл силтаб кетган.

Каримов дарҳол хат ёздириб, шахсан ўзи имзолаб “леттер” формасида яшин тезлигида Россия Маданият вазирлигига юборган ва жумладан Ўзбекистон опера ва балет гуруҳининг ҳатто билетлари сотиб бўлинган концерти ҳам бекор қилинган.

Кузатувчиларга кўра бу ҳодиса Гулноранинг отаси ёрдамида ҳокимият теппасига келиш иштиёқини ўлдирган, аммо ўз тарафдорлари орқали отасини ҳокиятдан четлатишга уриниб кўриш эҳтимолига ҳам йўл очган.

Хуллас, ота ва қизнинг жанжали қанча давом этади, Худо билан. Чунки бу дока рўмол эмаску дарҳол қуриб қолса.